Bəşar Əsəd: bə İ Bıə Ərəb Əmirəti çımı səfə, 2 qılə kişvəri rabitəonədə, vey muhimmə noğtə bə hisob omeydə
Suriyə prezident, bə İ Bıə Ərəb Əmirəti ıştə səfə barədə votışe: ım səfə 2 qılə kişvəri rabitəon vey muhimmə qəme.
İşəmbə rujədə, Suriyə prezident bə Abu Dabi varid bıə və de İ Bıə Ərəb Əmirəti yol Şeyx Muhəmməd İbne Zayed Ale Nəhyan, vindemonış kardə.
Bə Zinə ruji Rusiya Əlyəom raporti əsos, Suriyə prezident Bəşar Əsəd həminə barədə ıştə sıxənonədə votışe: dəvardə soron mıddətədə, Suriyə canq və ım kişvərədə buməlarzə barədə, İ Bıə Milləton nəzə və himoyə, Suriyə milləti yodiku nibəşe.
Əsəd ijən bəyonış karde: İ Bıə Milləton təyyorəon fəğət bə buməlarzə vində kəson təcili imdodon nıbin bəlkəm de Suriyə milləti vəhdət icod kardey nığılə hisson həm icodış kardə. əv ijən əlovəş karde: bə İ Bıə Ərəb Əmirəti səfərədə və de İ Bıə Ərəb Əmirəti yol Muhəmməd İbne Zaidi vindemonədə, Suriyə milləti ğədrdonəti bə ım kişvəri millət və dıvlət rosneydəm.
