De Həzrət Fatiməyi-Zəhro(s) şəhodəti sorəqardışi mınosibəti səbəsəloməti
Imruj 17 dekabr 2023- ə sori,Hicri 1445-ə sori Cəmadi əs-Sani manqi seminə ruji,Həzrəti Məhəmmədin (s) xosə kinə və çe dınyo şiəyon iminə imom həzrət Əmirəl-muminin Əli bin Əbi Tolib(ə) həyot həmro Həzrət Fatiməyi-Zəhro(s) şəhodəti sorəqardışi ruje.
İslomi İroni mısılmonə xalğ hər sor məçitonədə,Huseyniyyəonədə və dini məkononədə iştirok kardə holədə bo Fəziləti Xanım iffət və məsuməti nımunə Həzrəti Fatiməyi-Zəhro(s) şəhodəti matəmi dəvordıneydən.
Həzrət Fatimeyi Zəhro(s.ə) nıbuvvəti pencminə sori Cəmadi əs-Sani manqi 20-də Məkkədə bə dınyo çəşış oj kardə.ə həzrət hırdənətiku ıştə pı Həzrət Peyğombəri(s) rəhbərəti jiyədə ilahi təlimonış omute.
Həzrət Fatimeyi Zəhro(s) 18 sornə umri bəpeştə çe devri hukmdoron veyə zulmon və bə ıştə pı Həzrət Muhəmmədin (s) bəfoti ğəm və ğussə xoto,Cəmadi əs-Sani manqi seminə ruji bəfotış karde.
İron İslom Respublikə Radio və Televiziya Həzrət De Həzrət Fatiməyi-Zəhro(s) şəhodəti sorəqardışi mınosibəti bə qırd mısılmonə xalği və bə dınyo ozodi piyəkəson səbəsəloməti doydə.
