İronıi xarici koon vəziri de Tırkmənistoni milli lider iyən prezdenti vindemon
İronıi xarici koon vəziri de Tırkmənistoni milli lider iyən prezdenti vindemon
İronıi xarici koon vəziri de Tırkmənistoni milli lider iyən prezdenti vindemon -İronıi xarici koon vəziri bə Aşxabad səfə zəmonədə ıştə iminə proqramədə de Tırkmənistoni umummilli lider iyən Xalği Məsləhət Şura rəhbəri dido iyən sehbət kardəşe.İronıi xarici koon vəziri Huseyn Əmirəbdullahiyan de Tırkmənistoni barzə rutbəynə rəsmiyon vindemon iyən sehbət kardero çoşənbə ruji şəvi zəmonədə de iqlə nımoyəndə heyəti bə Aşxabad omə və çın məmləkəti rəsmiyon tərəfiku ğəbul kardey bıə.
bə İRNA məlumoti əsos,İronıi xarici koon vəzir Əmirəbdullahiyan pencşambə ruji de Tırkmənistoni milli lider iyən Xalği Məsləhət Şura sədri Ğorbanğoli Berdiməhəmmədovi dido bədiqə,de çın kişfəri prezdenti Sərdar Berdiməhəmmədi həm vindemon iyən bo dıqlə tərəfi cozibədor məsələon həxədə votemonış kardə.Əmir Əmirəbdullahiyan Tırkmənistoni xarici koon vəziri Rəşid Moradovi həm vindemon kardəşe və diyaloq dəvordınəşe.oxonə dı sor nimədə İron iyən Tırkmənistoni miyono dı tərəfinə rabitəon hevujəti nəticədə dıqlə məmləkəti ixtisodi mubadiləon ziyod bıə.əmmo İron iyən Tırkmənistoni hukuməti rəsmiyon çe həmkoəti səviyyə tiki həm barz kardey fikədən.
