Pars Today

Tobə sutunonku qıləyni istiğfore, yəni Xıdovənde-Mutəoliku baxşeşi tələb kardey.

İlahi yolə nemətonku qıləyniye.yəni Xıdovənde-Mutəol çe tobə bab və bəş bəştə bandəon dimış oj kardə ta əvon ıştə kəmoli royədə hərəkətkon iyən qıno bəçəvon hərəkəti mane beydəni.çunki,qıno insoni çe insoniyyəti barzə mərtəbəku bə saru səmt sağit kardedə,eğandedə.qınonku har qıləyni bə insoni rufi,insoni səfo iyən bəçəy mənəviyyoti qıləy zərbə daxil kardedə iyən çe insoni rufi şəffofəti çe miyoniku bardedə və əy lil kardedə.qıno insoni vucudədə bıə mənəviyyoti cəhəti ki,əy çe maddi aləmi əmandə qırd mxloğatiku co kardedə,çe şəffofətiku eğandedə iyən əy bə heyvonat və nəbototi nez kardedə.qıno jıləvoniye….

Qınonki,inson əncom doydə,ın mıxtəlifə bə ğanuni zidd əməlon,ın çe şəhvətbozətiku iyən dınyo tələbətiku nəşət sıə koon,taməhkoəti və bə dınyo moli,məğami və posti hərisəti iyən bəy dəçıkey və cokəson dastədə mevcud bıə çiyon pəxıləti kardey və həmçinin ğəzəb.ımon ğətiyyə surətədə bə  insoni vucudi dıqlə təsir noydə.iqləyni təsir mənəviye ki,rufi çe ruhoniyyətiku eğandedə və çe nuroniyyətiku xaric kardedə.mənəviyyoti insonədə zəyif kardedə iyən İlahi rəhməti roy bə insoni dimi bastedə.coqləyni təsir ıme ki,sosyal mıborizəon səhnədə həmonə vırədə ki,jimoni hərəkəti bə tov vardey,mığovimət iyən ıştəku zumandəti nışon doey niyoz və ehtiyociş heste.ın qınon bə insoni əzob iyən əziyyət doydə və ehyanə co qıləy amil nıbu ki,ın zəyifətiyon cubronko və çəvon əvəzi beko,oxoyədə ımon insoni həlok bəkardeyn…..

In çiyon ki,mı ərz kardedəm ki,Ğıronədə mevcude iyən çe jimoni dərse,hejo bə Ğıroni həmonə zohiri ayide. bə həmonə çiyon məxsuse ki,bandə iyən bənə mı odəmon Ğıroniku famedəmon.əvvəlo Kumməlin yəni alim,fəzilətin iyən həkimə şəxson Ğıroniku qıləy tohid  famedən,elmədə rasix və zumandə kəson dərəsedən,İlahi evliyaon dərk kardedən ki,Kərimə-Ğıroni botıni iyən çəy nığılə dıyoku famedən.Ğıron çın sıxanonku vey barze.çımı ərz kardə çiyon ım çe jimoni çandə həzo dəstur iyən əmron,həmonə çiyonin ki, çe Ğıroni zohiriku oko doey beydə.çok,ısət əməli iyən praktikiye.çəvonku bəzi qıləyniyon bə jimoni ğaydəon tənzimi ko ayide.məsələn fərzkənən:fəminənnasi mən yəğulu rəbbəna atina fiddunya və ma ləhu filaxirəti min xəlağ.kali qıləyniyon hestin ki,çe insoni jimoni ğaydəon həmmə, dustətiyon, dışmenətiyon,rabitəon,hədəfon,motivasiyəon dınyo koyədə məhsur iyən məhdud kardedən.çəvon dustətiyon bəçımi xotoye,çəvon dışmenətiyon bəçımi xotoye,çəvon rabitəon bəçımi xotoye,çəvon səyon bəçımi xotoye,çəvon hədəfon bəçımi xotoye.ımoni Xıdovənde-Mutəol rədd kardedə.ıncur jimoni ğaydəon soxtey Xıdovənde-Mutəol rədd kardedə.vəma fil axırəti min xəlağ.ımon dınyəvi jimonədə,bın kırtə mıvəğğətiyə jimonədə bə qıləy çiyon bərəseyn.əmmo əsli,həyği iyən uxrəviyə jimonədə ki,çe inson jimon əyoe,qıləy çişon ni.əvon əyo benəsibin iyən qıləy bəhrəşon nibəbe.