Tənəx çiçe?

Tənəx çiçe?

Bə təhrif bıə mığəddəsə kitobi təlimon əsos,Xıdovəndi millətonış bə dıqlə dastə təğsımış kardə:qıləyni umum milləton iyən coqləyni həm ğərole Bəni-İsrayil bəçəvon şəhron soyb beşo.iminə dastə qıləy surətədə ki,deştə dasti təslim bıbon,bəyji mandey bəzıneyn ta bə Bəni-İsrayili moliyyət bıdon və çəvon xadimon bıbon.əmmo əqər ıştəni iyən ıştə sərzəmini mıdofiyədə de canqi təslim bıbon,bəpe çəvon həmmə merdon kıştə bıbon iyən çəvon jenon və hırdənon bənə nokə iyən kənizi əsir peqətey bıbon. əmmo daston çiçe?.macəra ıme ki,Xıdovəndi de həzrəte Mosə(ə) sərkərdəti qırd Bəni-İsrayilış çe fironi çanqiku peroxneşe və fironi odəmonış həm Nili ruyədə ğərğış karde.nəticədə Bəni-İsrayili ğovm çe və`də doə bıə sərzəmini dumo bə fələstıni səmt hərəkətışon karde.təbiye bın sərzəminədə veyə ğovmon jimon kardedəbin iyən ovdonə şəhronışon soxtəbe.Bəni-İsrayili dılışon hestebe ki,çəvon şəhronədə sakin bıbon.liza bəpe ibtido və sıftədə çəvon şəhron çe sakinonku xali kardənin bin və peşo ıştən həmonə vıronədə mandənin bin.jıqo be ki,əvon çın şəhron irği pok kardey koyışon bino karde və jıqo şəhron rəğəm həm ziyodə həddədə be.beqınoə jenon iyən hırdənon ki,çəvon jimoni həmroon iyən dədəon canqədə məğlub iyən kıştə bıəbin,ıştən həm bəpe bə jıqo qıləy ağıbəti dıço bıənin bin.çumçıko ğərolbe Bəni-İsrayil ıştə jimoni vıron əyo bərpo bıkon.əmmo aya Tevratiku jıqo qıləy nəzə əxz kardey loyığe?.

Mığəddəsə kitobədə qıləy zəmon ki,həzrəte Mosə(ə) məmuriyyətış pəydo karde ki,Bəni-İsrayili çe Misriku bə Kənan bıvardo,roy miyono de qıləy ğovmi dimbədim omin ki,ğərolbe Bəni-İsrayili ğovm  çəvon sərzəminonədə jiyənin bin və hukmən bəpe ın ğəbiləon çı miyoki bardənin bin.liza mığəddəsə kitobədə nıvıştə bıə ki,Xıdovənd bə həzrəte Mosə(ə) əmr kardedə ta de ın ğəbiləon canq bıko və qırd əvoni ısət jen bıbu ya merd və ya şıthardə hırdən bıbu çe şımşiku dəvordıno.

Əmmo çoko çe məhəbbəti Xıdo jıqo qıləy fərmoni sadir kardedə?.beqınoə şıthardə hırdənon ki,bın şəhronədə jimon kardedəbin qıno çiç be?.boçi bəpe əvon ğətlı-am bıbon?.çəvon qınon ğərəz ımi co çi nıbe ki,əvon ıştə şəhronədə jimon kardedəbin və Bəni-İsrayil həm bəçəvon sərzəminon çəşışon hestebe.çıro çə həmonə sərzəminon əsliyə soybon icozəşon nıbe bəyji bımandon?.boçi bəpe çın məmləkəti həmmə sakinon çe miyoniku bışon ta çın sərzəmini nuyə sakinon əyi sakin bıbon?.ısət bıməsəmon həzrəte Mosə(ə) de ın fərmoni çiç kardedə?.(təhrif bıə)mığəddəsə kitob votedə:qıləy zəmon həzrəte Mosə(ə) və Bəni-İsrayil bə Seyhuni şəhri həmlə kardedən,həmmə jenon iyən hırdənon həm çe şımşiku dəvordıneydən ta çəvon zəmini təsərrıf iyən işğal bıkon?.

Əmmo aya bə İlahi pəyğombəron yolə qıləyniyonku ın nisbət rəvo və loyığe?.