Tənəxədə bıə təhrifon
Tənəxədə bıə təhrifon
Mığəddəsə kitobədə nəğl bıə çe qenosidi kutlə coqlə nımunəku,Ay şəhri mərdumi ğətlı-ami koye ki,Yuşə` de qıləy canqi hiylə ıştə ləşkərış bə dıqlə dastə təğsımış karde.çəvonku i nimə punhon beydə və coqlə nimə həm çe Ay şəhri dərvozə peştono de canqi məşğul beydən və suni surətədə məğlub beydən, viteydən.şəhri bexəbə mıdofiyəçiyon həm çe şəhri dərvozə və bəon oj kardedən və çe səhri miyono de fəroriyon təğibi koy məşğul beydən.bın zəmon çe Yuşə` co kardə coqlə dastə ləşkər ki,punhon iyən niyon bıəbin,ıştə məxfi bıə vıronku xaric beydən və çe şəhri mıdofiyəçiyon nıbeyku suyi-istifodə kardedən,bə bemıdofiyə şəhri daxil beydən və çe şəhri bemıdofiyə qırd jenon iyən hırdənon sə bırniyedən,peşo həm bə həmonə şəhri otəş jeydən.şəhri mıdofiyəçiyon ki,vindedən çe şəhri dıləku otəş iyən duyəvilə rost beydə,sərəseydən ki,əvon canqədə bə dast dəğandey bıən və bə şəhri səmt oqardey əzmədə beydən ki, bın zəmon əvon həm bə mıhosirə eqıneydən.Yuşə` sərbozon əvoni həmmə ğətlı-am kardedən, kışteydən.çe şəhri podşo bəyji dastqir kardey iyən qətey beydə və çe Yuşə` palu vardey beydə.Əv.həm əy bə dar jeydə,ehaşteydə.jıləvoni tosə ğurub iyən hanqomi zəmoni çe Ay şəhri donzə həzoynə sakinonku hiç qıələyni bəyji mandedəni.ehyanə jıqo qıləy ğətlı-am de qıləy təcavuzkorə ğıvvə təvəssıti əncom doey bıbu,beynəlxalğə iştimoiyyət bımi kom reaksiyə nışon ədon?aya həmmə kəson jıqo qıləy ko məhkum kardedənin?.aya həmmə kəson dəparseydənin ki,çe şəhri daxilədə bıə bemıdofiyə hırdənon çe curm iyən qınoşon hestebe ki,jıləvoni çəvon pıon əyo nıbə holədə kıştey bin iyən bəvon otəş jey be?.kom kəs jıqo koon çe bənə Yuşə` iyən Mosə bıə yolə şəxiyyəton tərəfiku əncom doey ğəbul bəkarde?.aya imkonış heste ki,pəyğombəron oməbin ta bəşəriyyəti çe jıqo zılm iyən cinoyəton bo jiyku xilosko,əmmo əvon ıştən bə jıqo qıləy zılm iyən cinoyəton amilonku qıləyni təbdil bıbon?.
Əmə bəpe dığğətkəmon ki,Mığəddəsə kitobədə nəğl bıə çandə ədəd tuməbıron ki,bə İlahi pok iyən vıjniyə pəyğombəron nisbət doey bıə,çəvon rəğəm çəmə votə çiyonsə veye.bəpe təkid bıkəmon ki, həmmə zikr bıə ayəon qıləy Mığəddəsə kitobikuye ki,həmmə məsihi iyən xristiyanon istisno nıbə holədə əy çe Xıdo kəlom iyən İlahi vəhy zıneydən.tıbğe çəvon əksəriyyəti etığodi ki,bə İsa-Məsihi imonışon heste,bəpe bə ın ayəon imon biyon iyən ğəbul bıkon ki,çı məhəbbəti Xıdo çı hırdənon kıştey iyən sutuney dəstur iyən əmri sadir kardedə.Əv,bəpe bə İlahi ənbiya iyən pəyğombəron doey bıə jıqo qıləy nisbəton ğəbul bıko.çı bemıdofiyə hırdənon sə bırniye çe qıləy tocih iyən təfsirış bey bəzıne?...
