Tənəxi təhrifə təfsir
Tənəxi təhrifə təfsir
İ qrup sehyoniston mığəddəsə kitobi təhrif bıə təfsironku bo Fələstıni sərzəmini işğal kardero tocih iyən təfsir kardedən.ın təhrifon hənuz həm bənə qıləy zumandə avjori unvoni çe ifroti iyən radikalə sehyoniston dastonədə oko doey beydə.Tənəxi mətnonku məxsusə təfsiron zəmoni dırozi təğyir iyən əvəz kardey bıə.çəy barzə nımunəonku qıləyni çe Yuşə` kitobi daston iyən çe Tevratiku bıə baxşone.bın mətnonədə bə Kənani sərzəminon fəthi iyən bə de Bəni-İsrayili ğovmi xuninə rəftoron işorə kardey bıə. ayəon veyniyədə İlahi fərmononku bo mıxtəlifə ğovmon zəminon təsərrıf iyən zəbt kardeyro və həmçinin əvoni komilə surətədə məhf kardeyku sehbət şeydə.ın ayəon ehyanə torıxi iyən fərhənqi zəminə nəzədə nıqətə holədə təfsir bıbu,de hoziyəti iyən təcavuzi təfsir kardey bəbe.məsələn radikalə sehyoniston ın ayəon bənə bo Fələstıni sərzəmini işğal kardero bıə icozə iyən lisenziyə unvoni təbir kardedən.əvon de mığəddəsə kitobi ayəon təfsiriku suyi-istifodə kardey iddiyo kardedən ki,Xıdovəndi ın sərzəminış bə Bəni-İsrayili ğovmi və`də doey bıə iyən deəy harcurnə mıxolifət və mığovimət,nəyinki,ğeyri-ğanuniye,bəlkəm nomığəddəse.əmmo aya ın təfsir de qıləy İlahi dini əslə təlimon mıvofiğ omeydə?.dini mıfəssır iyən təfsirəvonon veyni ın iddiyo rədd kardedən və jıqo hisob kardedən ki,ın ayəon bəpe çəvon ıştən məxsusə zəmon iyən məkoni zəminədə bərrəsi iyən təhğiğ kardey bıbu.bə ın mevzu işorə kardə dıjdə bərrəsi və təhğiğotonku qıləyni,britaniyəvıjə ənıvışt iyən şərğşınos Riçard Fransis Burtone.Burton ıştə əsəronədə de ın məsələ bərrəsi kardey koy məşğul bıə iyən nışonış doə ki,çokonə çın təfsironku kali qıləyni çı tohidi bə ədoləti əsos bıə ruhiyyəku bə diyəron.Burton etığodış heste ki,ın vıjniyə bıə təhrifon iyən təfsiron nəyin ki,de yəhudiyyəti əxloği təlimon iyən de co tohidi dinon ziddiyyət təşkil doydə,bəlkəm bə qırd ınyoədə hoziyəti iyən nifrəti tərvici səbəb beydə.boənən bə qıləy torıxi nımunə nəzəkəmon ki,nışon doydə çokonə mığəddəsə kitobədə bıə təhrifon bə fociyəvi iyən yavə nəticəon boyis bıə.mıxtəlifə devrəonədə yəhudi ifroti xaxamonku bəzi qıləyni çe Təlmud iyən sayir məzhəbi mətnonku məxsusə təfsironışon nışonışon doə ki,ğeyri-yəhudiyon ğətli qıləy məxsusə şərayitədə cayiz iyən icozənin hisob kardedə.ın təfsiron həlbəttə,çe ziyodə xaxam iyən həyğiyə yəhudiyon tərəfiku rədd kardey bıə və bənə çe mığəddəsə mətnonku suyi-istifədə kardey unvoni təğdım kardey bıə.əmmo çe ifroti iyən radikalə qrupon dastədə bıə həmonə təfsiron,ısət bo vızməti iyən sıtəmkorətiro bə qıləy bəhonə təbdil bıə.bə ğeyri-yəhudiyon nisbətədə bıə nifrət,məxsusən bə Fələstınıjon ələyh iyən de har qıləy bəhonə bo de əvon dimbədim omey iyən əvoni ğətlı-am kardeyro bıə çəvon zehni iyən daxili motivasiyaon konsolidasiya iyən ğoym kardey,çə həmonə təlimon məhsule ki,ımruj çəvon rəsmi mədrəsə iyən məktəbonədə və hətto çı sehyonist rejimi ləşkəri hərbi bazəonədə həm çı yəhudi xaxam iyən çəvon ifroti rəhbəron tərəfiku de ciddiyyət iyən şiddəti təğib kardey beydə….
