Nəhcul-Bəlağə hikməton

Nəhcul-Bəlağə hikməton

Və ğalə Əli(ə)”Əddunya darul məmərr….”Dınyo qıləy vırəy ki,quzərqoy(dəvardəco),nəyinki,qıləy vırə ki,əyo ğərol qətey bıbu.mərdum dınyoədə dıqlə dastən.əkəson ki,ıştənışon həvatə iyən xərobışon kardə və əkəson ki,ıştənışon hıriyə iyən ozodışon kardə.

Dınyo dini bovəonədə qıləy mənzil iyən ğərolqo ni,bəlkəm bə axırəti səmt qıləy quzərqo iyən dəvardəcoye ki,ə vırə çe oroməti iyən sukunəti coye.

Əmirəl-Muminin Həzrət İmom Əli(ə) Nəhcul-Bəlağə 133-ə hikmətədə bə ın həyğəti işorə kardedə və hamyedə:”Əddunya …

İmom Əli(ə) ın sıxan bənə qıləy sıxaniye ki,çe həzrəte İsa-Məsihiku(ə) nəğl bıə ki, hamyedə:”Əddunya ….

Torıxi dırozi ziyodə bandəon həvatey iyən hıriyə bıə.har qıləy bandə ki,bəçəy ıştən zu və ğudrəti mıtənosib,qıləy ğıymətış hestebe.əmmo,qahi zəmon ikəs qıləy bandə və nokə hıriyedəbe iyən əy ozod kardedəbe.ın səbəsojəti çəy erj iyən mığdori anədə barz kardedəbe ki,həni əy həvatey və hıriye mumkin nıbe.ikəs ki,çe Xıdovəndi bandəçəti iyən itoəti royədə ğədəm peqəteydə və ıştəni çe ləzzəton,şəhvəton  iyən həvəson əsorətiku ozod kardedən,çəy ğıymət əxtə və anədə bəpe şeydə ki,ğərəz Xıdo həni hiç kəs əy hıriye zıneydəni.

İmom Əli(ə) çın hikməti dəvomədə çe dınyo mərdumi bəçəvon de dınyo bıə rəftori şivə etıbo əsos,əvoni bə dıqlə dastə təğsım kardedə.kali qıləyniyon ıştənışon həvatə iyən həlok bıən və kali qıləyniyon həm ıştənışon hıriyə və ozod bıən.

Millətiku i hissə jıqo bə ın dınyo dılışon dəvastə ki,jıqo bızın əvon dayimi dınyoədə bəmandeyn və iyo qıləy əbədiyə jimonışon bəbe.əmmo i iddə çı dınyo həyğətışon dərk kardə və zıneydən ki, ın dınyo foni iyən mıvəğğətiye.bə hisob,əve ki,Əmirəl-Muminin Əli(ə) dıqlə ğəşənqə təbir yəni ğərolqo iyən quzərqo,dəvardəcoyku istifodəş kardə ki,bəziyon ıştə ğərol iyən sakin bıə vırə bəvədə vindeydən iyən coqləyniyon həm çə həmonə dəvardəcoyku dəvardeydən və baği iyən əbədiyə məkoni səmt intiğol kardeydən,ovaştedən….