Fatimə(s) oxoş nıbıə Kovsər ...
Peyğombər(s) ha vaxti bo vəhışti bu dıltanq bedəbe Fatimə(s)maçə və bu kardedəbe iyən çə həzrəti həxədə “Ummu-Əbiha” yəni ıştə pı inə və “çımı bədəmi poə” sıxanon votedəbe və hamyedəbe:”…ha Fatmə ha! Xıdovənd bətı ğəzzəb kardə kəsi ğəzzəb kardedə və ıştıku rozi bıə kəsiku (əv)roziye”.
Həzrəte Fatimə(s) çı həzrəte peyğombəri(s) iyən həzrəte Xədicə(s) kinə,həzrət Əli(ə) jimoni həmro iyən çı İmom Həsən(ə) və İmom Huseyni(ə) inə və moəy.Həzrəte Fatimə(s) İslomə dinədə qıləy vey barzə məğamış heste və ıştənış de çandə qılə xısləton dərostəşe.həzrət İmom Əli(ə) bəpeştə çı şiyə yonzə qılə imom ə həzrəti nəslikuye və bənə Kovsər iyən İnsani surəon və bənə Təthir iyən Məvəddəti ayəon çə həzrəti,çəy jimoni həmro iyən çəy fərzəndon həxədə nozil bıə.....
Həmməysə vey məşhurə rəvoyətonku qıləyni ım hədise ki,bəçəy əsos peyğombəre-əkrəmi(s) hamyəşe: ”İnnəma Fatimə bəzəti minni.yuzini ma əzaha”.fatimə çımı bədəmi i poəy.hakəs bəy əziyyətko,mınış əziyyət kardə və harki əy xoşnud(roziko) mınış rozi kardə”.İslomi mukərrəmə Nəbiy(s)çı hədəf Həzrəte Fatimə(s) Xıdovənd iyən çəy rəsuli palu bıə məğami təğdım iyən bəyon kardeysə əlovə,xəbədoəti iyən bə Həzrəte Fatimə(s) əziyyət rosneyku pərhiz kardey bıə.
Bəzətiku məğsəd iyən mənzur bın hədisədə fəğət “cismoni bədəmiku qıləy poə” ni və çoko ki,alimonku veyni bın hədisi təfsirədə votəşone,Fatimə(s) çı peyğombəri(s) ruf, elm,ZINEY,ƏXLOĞ,İMON İYƏN FƏZİLƏTiku qıləy poə be və çı nuroniyə həşiku qıləy şua bə hisob omeydəbe.....
Mınosibe bızınəmon ki,peyğombəre-əkrəm(s) ıştə jimoni zəmonədəçandə qılə zoə iyən kinə fərzəndon soyb be.bə metəbərə xəbəon əsos çı peyğombəre-əkrəmi(s) 3 qılə zoə iyən 4 qılə kinə fərzəndonış hestebe ki,çəvon nomon iborətin çımonku:Ğasım,Əbdullah iyən İbreym.və Ruğəyyə,Zeynəb,Ummu Kulsum iyən Fatimə(s).ğərəz Fatimə(s) çı peyğombəre-əkrəm(s) həmmə fərzəndon çə həzrəti jimoni zəmonədə çı dınyoku şıəbin və fəğət Həzrəte Fatimə(s) baği mandəbe və çı peyğombəri(s) nəsl de həzrəte Fatimeye-Zəhro(s) təriğ iyən roy vositə dəvomış pəydu karde.liza ə həzrət çəy tərbiyə iyən perəsey koyədə səy kardedəbe və Zəhroye-Mərziyyə(s) ıştə azizə pı dovnədə bə qıləy məğami rəse ki, peyğombəre-əkrəm(s) əy de “insiyyətu huriyyə”,bəlkəm “seyyidətin-nisa” və nəhoytədə əy de “ummu əbiha”nomon vanq jeydəbe.
Ə həzrət de qırd ım ləğəb iyən təbiron bə həmmə aləmi elonko ki,ım əzəmətinə banu deməkə ki,qıləy jene,əmmo qırd zəmini dimisə deəy i tərazədə və çəy mislış bıə kəs mevcud ni və bo həzrət Əliyyibni Əbi Tolıbi(salavatullah ələyh) ğərəz əv qıləy jimoni həmro pəydu nibəbe.ehanə əv bıə nəbe,hiç qıləy merdi ğabiliyyətış nıbe ki,çı Həzrəte Fatimə(s) kənoyədə ğərol bıqəto.bəçəy xotoye ki,peyğombəre-əkrəm(s) qıləy vırədə jıqo hamyedə:”Ləov ləm yuxləğ Əliyyun və ləm yəkun liFatimətə kufvun”.ehanə Əli ofəyə bıə nəbe,bo Fatimə jimoni həmro bıeyro hiçkəsi ləyoğətış nıbe”......
