Nəhcul-Bəlağə-135

Nəhcul-Bəlağə-135

Və ğalə Əli(ə):”Mən Utiyə ərbəən...ikəs ki,çoqlə çi tovfiğ iyən ovandəti pəydko,çe çoqlə çiyku məhrum nibəbe”.

Har qıləy inson ıştə jimonədə bə qıləy muşkilot iyən qiriftorəti dıço beydə.əmmo qahi zəmon çe muşkiloton təzyiğ anədə ziyode ki,çəyku nicot pəydo kardey iyən ozod bey çe insoni ğudrəti xaricədəy.bın zəmon həmməysə çokə ko dıvo iyən de mehribonə Xıdo razo-niyoze.dıvo,insoni de Xıdovəndi irtibot bərğərol kardeye.qıləy Xıdo ki,bə har koy ğadire və çəmə tələbon bəravord iyən ğəbul kardedə.

Odəmi dığğəti cəlbəkə çi ıme ki,Kərimə-Ğıron muminon bə dıvo səmt dəvət kardə holədə,çəy isticobət iyən ğəbuli de Xıdovəndi lutf iyən inoyəti təzmin kardedə və hamyedə:”Ud`uni Əstəcib ləkum”Mıni vanq bıjənən ta şımə(dıvoon)ğəbul bıkəm”.

Əmirəl-Muminin İmom Əli(ə) çın hikməti iminə hissədə bə ın məsələ işorə kardedə və hamyedə:”Mən utiyə ....ikəs ki,dıvo...

Çəməku har qıləyni de təlatumi pur bıə dıyoədə ımruj bə zəlolət,nodonəti,ğərizəon tuğyonqərəti,nəfsoni tələbon və ya bə coqlə dəlilon xoto,bə qıno dıço beydəmon.əmmo qıno bədiqə muhimmə nuktə ıme ki,çəsboni və rəyrə ıştəni əmə çı İlahi rəhməti mə`rəzədə ğərol doydəmon və çəyku məğfırət tələbkəmon iyən tobə bıkəmon.çe qınoku ım oqardemon,qıləy vocibə koye. çıro ki,qıno noxəşiye və çəy damon həm tobəy.ikəs ki,çe tobə tovfiği pəyduko,çəy çı Xıdovəndi dərqoyədə ijən sənibəton ğəbul hətmi iyən mıtləğe.

Həzrət İmom Əli(ə) çın hikməti dıminə baxşədə bə tobə neməti işorə kardedə ki,ıştə dumo bə qınokorə insoni iyən bəçəy sıxani çe Xıdovəndi dığğəti cəlb kardedə.”Və mən...ikəs ki,çı tobə tovfiğ iyən ovandəti pəyduko,çəy ğəbuliku məhrum nibəbe”.

Tobə bə Xıdovəndi səmt oqardemone iyən istiğfor çe tobə rəmzi kəlməy.əmmo bə məsələ əhəmiyyəti dəlili xoto,Həzrət İmom Əli(ə) coə formədə çəyku bəhs kardedə və hamyedə:”Və mən U`tiyəl istiğfar.....ikəs ki,çe istiğfori tovfiği pəyduko,çe baxşey iyən məğfırətiku məhrum nibəbe”.

Kərimə-Ğıron tikroroinə şikilədə dindoron bə istiğfor iyən məğfırət tələb kardey səmt dəvət kardedə.məsələn Nisa mıborəkə surə 110-ə şərifə ayədə jıqo hamyedə:”Və mən yə`məl...və hakəs yavə əməl bıko ya bəştə sıtəm bıko,peşo Xıdoku məğfırət tələbko,Xıdo vey əbaxş iyən mehribon bəvinde”....

In ziyod kardey boçəy xotoye ki,şukr kardey hejo de bə Xıdo dığğət kardey,çe insoni dılədə bəçəy mə`budi nisbətədə qıləy eşğ bə əməl omeydə iyən bə Xıdo vey nez kardedə.ım ıştən qıləy vey dıjdə neməte ki,bə şukrəkəyon doey beydə.liza Əmirəl-Muminin Həzrət İmom Əli(ə) çın hikməti oxonə cumlədə hamyedə:”və mən Utiyəş-Şukrə...ikəs ki,çe şukr kardey tovfiği pəyduko,çe neməton ziyodətiku məhrum nibəbe”...