Əbədiyə ətır

Əbədiyə ətır

Bo Fələstıni ozodətiro Xıdo royədə cihod İslomi fərizə iyən tələbe.jıqo qıləy mıborizədə səbarzəti təzmin bıə.zira qıləy mıborizə fərd hətto kıştə bıə zəmonədə həm bə İhdəl-Husnəyeyni dastış pəydo kardə.ğərəz ımi Fələstıni məsələ qıləy insoni məsələy.çandə milyon insoni çəvon kə-bəon,sahəon,ticorət kardə iyən jimoni vıronku xaric kardey,əv həm qıləy de ğətlo-cinoyəton bə ico,har qıləy vijdoninə insoni dıli dojneydə və təsirin kardedə iyən qıləy himmət və şucoət bıə surətədə əy,bə mıborizə səmt vodor kardedə.çən,əy bə çandə qılə ərəbə kişfəri məhdud kardey,sırfən əy çı Fələstıni ya maksimum ərəbi məsələ zıney,qıləy dıjdə xəto və səhfe.əvon ki, çandə qılə Fələstınıjə unsur və ya ərəbə hukuməton çın İslomi iyən insoni məsələku məsələku dəvardey icozə doə kəs hisob kardedəbin,de şiddəti bə ın məsələ famey və mumkine təhrifədə bə xəyonəti dıço beydən...

Imruj Ğudsi ruje.qıləy ruj ki,de İmom Xomeyni(r) ağılmandə təşəbbısi bənə bo Şərifə-Ğuds iyən məzlumə Fələstıni barədə mısılmınon çe qıləy vəsl kardə,dəçoknə halğə unvoni təyin kardey be və bın çandə da soron bın həxədə qıləy rolış ifo karde və çəy bədiqə həm jıqo bəbe inşaallah. milləton Ğudsi rujışon ğəbul karde və əy bənə qıləy iminə vocibə ko yəni çe Fələstıni ozodətiro rost kardə bıə pərçəmi qiromi qəteye.çe istikbor iyən sehyonismi umdə siyosət,mısılmonə camiyə zenonədə çe Fələstıni məsələ kamranq kardey iyən bə viro bekardey səmt bardeye. həmməysə təcili vəzifə de ın cinoyəton mıborizə bardeye ki,de deşmeni siyosi iyən mədəni muzduron vositə hejo İslomi kişfəronədə bə əməl omeydə.və həyğət ıme ki,Fələstıni məsələ dıjdi qıləy məsələ kamə məsələ ni ki,çe mısılmonə milləton ğıryət,bəştə etımod kardey iyən ağılmandəti çəy çe viro bekardey icozə bıdo.harçand amerkə iyən co qılə sultəqəron və çı mantəğə nokə kişfəron deştə qırd pul iyən ğudrəti bo deəy mıborizə bardero hərəkət kardedən...

Çəmə buzurquvorə İmom Xomeyni(r) de bəştə usulon rioyət kardey bərəkəti beki,İnğılobış bə səbarzətiş rosne iyən İnğılobış nığo doe və bə İslomi Respublikəş stabilətiş baxş karde.ım bə prinsipon iyən usulon rioyət kardey be.usulonku qıləyni “Əşiddau ələl kuffori ruhəmau bəynəhum”-e.əmə de dışmenon,de istikboron qıləy aşti və sulh kardedənimon.əmmo de mısılmonə bıvon hiç qıləy ədovət iyən dışmenətimon ni.əmə deəvon dust,rəfığ və bıvəmon.çun ki,jıqo etığöod və bovəmon heste bəpe“Əşiddau ələl kuffori ruhəmau bəynəhum” bıbu.ım çəmə buzurquvorə İmomi(r) doə dərs be.ım çe İslomi Respublikə oşkoə xətte.əmə bo məzlumi himoyəro bə tərəf mığobili məzhəbi nəzə kardedənimon və kardəmon ni.çe buzurquvorə İmomi(r) xətt ım be.İmom Xomeyni(r) de Livani Şiyə mığoviməti çokonə rəftor kardedəbe, deçəmə Fələstıni Ğəzzədə bıə bıvon həm jəqoş rəftor karde.hiç qıləy tafut nınoə holədə.əmə həmonə himoyə və dastəq ki,Livanədə əncom domone,deştə Ğəzzədə bıə bıvon həm jəqo kardemone.hiç qıləy farğ nınoə holədə.əvon sınni bin,ımon şiyə.boəmə məsələ,çe İslomi hoviyyətiku mıdofiyə kardeye...

Çımı həmməysə usuli və prinsipiyalə tevsiyə,bə mıborizə dəvomi iyən cihodi onemonon və çəvon de iyande bıə həmkoəti bə səhmon dənoey iyən Fələstıni sərzəminon həmmədə bıə cihodi ərsəon hevujəti tevsiyəy.həmmə kəs bəpe bə Fələstıni milləti bın mığəddəsə cihodədə koməq bıko.həmmə kəs bəpe çe Fələstıni mıborizon dasti pur bıko və çəvon peşti ğoym bıko. əmə de iftixori çandə zumon vışkiye,bın royədə əncom bədomon.iruj əmə jıqo mıəyyən kardemone ki,Fələstıni mıborizon din,ğıryət iyən şucoətışon heste və çəvon yeqanə muşkil çəvon çe silohiku təy bıə daste.de İlahi mədəd iyən hidoyəti planımon kəşe və çəy nəticə həm ım be ki,Fələstınədə çe ğudrəti balans əvəz be və ımruj Ğəzzə çe dışmenə sehyonist rejimi hərbi həmləon vədə mandey iyən bəy səbarz bey bəzıne.de işğal bıə sərzəminon nomi məşhur bıə baxşədə ın mıodiləon əvəz bey,çe Fələstıni ğəziyyə və məsələ bəçəy oxonə qəmon səmt nez kardey bəzıne.bın koyədə Moxtar Təşkiloti ehdədə qıləy dıjdə təklif iyən vəzifə heste.de vəhşiyə dışmeni ğərəz zu iyən ğudrəti mevğeyku co cur sıxan votey mumkin ni və çın zumandəti zəminə Əlhəmdu lillah Fələstıni  şucoətin iyən zumandə millətədə hozzıye...