Nəhcul-Bəlağə hikməton

Nəhcul-Bəlağə hikməton

Və ğalə Əli(ə):”Əssəlatu ğurbanun kulli təği....nımoj çe har qıləy pərhizkori bə pərvərdıqori təğərrıbi moyəy və bəy boyis beydə iyən Həcc çe har qıləy ocizi cihode və çe har qıləy çi zəkotış heste iyən çı bədəni zəkot rujəy iyən çe çokə jeni cihod şuyədorətiye”.

Bə pərvərdıqori təğərrıb rufi  oroməti,vəzifəşınosəti,bə həlol-həromi dığğət kardey iyən de Xıdovəndi razo-niyoz,ımon həmmə çe nımoji bərəkətonkuye ki,Həzrət İmom Əli(ə) Nəhcul-Bəlağə 136-ə hikmətədə əy,bənə çe təğvo əhli bə Xıdovəndi təğərrıbi unvoni zikr kardedə.

Nımoji əhəmiyyəti bəyonədə ım vəs kardedə ki,bə bandəon vocib bıə iminə fərizəy iyən ğıyoməti ruji bənə həmməysə muhimmə vəzifə unvoni mıhosibə kardey və sıvol kardey bəbe. Muddəssiri mıborəkə surə 42-43-ə şərifə ayəonədə jıqo omə:”Ma sələkəkum fi Səğər...vəhışti əhl çe duzəxi əhliku dəbəparseyn iyən sıvol bəkardeyn:boçi şımə bə cəhənnım eqıniyon? Cəvob bədon ki, əmə çe nımojəvotonku nıbimon”.

Əmmo ısət Əmirəl-Muminin Həzrət İmom Əli(ə) Həcci çe zəyifon cihod hisob kardedə.əve, bəçəy xotoye ki, Həcc,həm de nəfsi cihode və həmən cihodi de dışmeni təsironış heste.zira bə mısılmınon miyono vəhdəti iyən bəçəvon səfon ibemoni səbəb beydə və çe dışmeni peşti lorzıneydə.bə Həcc şeyə kəson bə Həcci məşəğğəton tov vardə holədə,qahi zəmon dırozə piyodə şemon iyən çe hıtey və istirohətiku məhrumiyyət,ımon həmmə bo cihodi meydoniro bıə təmrine.

Zəkot çe pok bey,ruşd iyən ozavziye mənoədəy.zəkot çe şəryəti zıvonədə həm çe moliku qıləy baxşe ki,məxsusə şərayitədə və çe xususiyə molonku xaric bıə və çı şəryəti mıəyyən iyən təyin kardə məsrəfonədə xarc kardey beydə.har qıləy çi ıştən zəkotış heste iyən çe odəmi bədəmi zəkot həm ki,çəy cism iyən coni təzmin kardedə,rujəy ki,bənə Xıdovəndi həmməysə xolisə ibodəti unvoni bəy dığğət kardey bıə.....