Tənəxi təhrifon
Tənəxi təhrifon
Yentli film Yentl nomo qıləy kinə dastoni rəvoyət və nəğl kardedə ki,Avropə şərğədə çe yəhudyon məskun bıə qıləy qədə diyədə jimon kardedən.ın daston milodi 1904-ə sori bə əməl omə.
Yentli bə yəhudiyon saxt və ciddiyə ğanunon əks,bo dini dərson təhsil iyən omuetryo qıləy şevğ və həvəsış heste.əmmo çəy ın tələb deçəy dədə mıxolifəti dimbədim omeydə.çıro ki,həmonə devronədə jenon çe Təlmud iyən dini dərson handey icozəşon nıbe.çəy pı maqi bədiqə,Yentl bə ğərol omeydə deştə səy muon kuto kardey iyən deştə zohiri əvəz kardey,ıştəni bənə qıləy zoə nışon bıdo və bə məzhəbi mədrəsə daxil bıbo.əv,de qıləy pesoxtə bıə hoviyyət iyən şəxsiyyəti bın məsir iyən royədə de qıləy macəro iyən avantura dimbədim omeydə ki,çe filmi dəvomədə bə təsvir kəşə bıə.çın filmi odəmi dığğəti cəlbəkə nuktəonku qıləyni,aşığonə hikoyə və dastone ki,çəy məzhəbi rəvoyət iyən hikoyə dılədə vırəş qətə.
Yentl bə Aviqdor nomo qıləy zoə aşığ beydə,əmmo çe Aviqdori dılış heste de Hadass nomo qıləy sərvətinə kinə izdivoc bıko.macəro bə qıləy səmt şeydə ki,Yentl məcbur beydə bə Aviqdori koməq kardero de Hadassi formal surətədə izdivoc kardedə.nəhoyətən Yentl məcbur beydə ıştə həyğiyə şəxsiyyəti ifşo bıko iyən ıştə jimoni məsir və ro bə çe məhdudiyyətonku ozod kardey səmt dəvom doydə.
Yentli film zohirədə çe jeni boştə ozodəti iyən təhsili həxıro bıə səyonku qıləy hikoyəy.əmmo ehyanə de ziyodə dığğəti bə ın filmi nəzəkəmon,qıləy punhoni iyən məxfiyə mesajon əmə mışohidə bəkardemon ki, çe yəhudi şəriyyəti zəyifəti iyən çın dini məzhəbi usul iyən prinsipon təhğıri cəhətədə çəy plan kəşə bıə. məsələn,bın filmədə yəhudi şəxsiyyəton de rohətə formə məzhəbi ğanunon ıştə po jiyədə noydən.jenon behicobin,məşrub iyən ərəğ peşomey beydə iyən şəriyyət be əhəmiyyət cilvə doey beydə.ım qıləy holədəy ki,həyğətədə məzhəbi yəhudiyon həmonə zəmonədə çe hicobi xususədə iyən iştimoyi rəftoron həxədə saxt iyn ciddiyə ğanunonışon hestebe.çın filmi əcibə nuktəonku qıləyni ıme ki,yəhudiyə jenon nımoyişe.Yentl qıləy kinəy ki,deməkə ki,qıləy məzhbi aylədə yol bıə,perəsə,əmmo de rohətə formə ıştə pı hoviyyət iyən şəxsiyyəti bə nəzə seydəni iyən ğanunon ıştə po jintono noydə.əv,bə dini usul iyən prinsipon rioyət kardey əvəzi,ıştə qırd enerji bo bəştə şəxsi mənafe iyən tələbon rəsey royədə sərf kardedə.ın mevzu qıləy mıəyyənə mesaji bə muxotəbi ilğo kardedə,rosneydə:çe yəhudi dinədə şəriyyəti be əhəmiyyətin bey.
Yentli filmədə məsələn ğərole muxotəbon iyən vindəkəson dəvardə i əsrədə de yəhudi iyən dindorə mərdumi jimoni dimbədim kardedə ki,qıləy qədə diyədə şəryəti ğanunon nəzədə sey beydəni.əv,həm qıləy zəmon ki,ğanunon iyən şəryət,məxsusən çe yəhudiyon miyono bəvon qıləy barzə həddədə əhəmiyyətış doə,dığğət kardənine...