Nəhcul-Bəlağə
https://parstoday.ir/tly/news/religion-i49430-nəhcul_bəlağə
Nəhcul-Bəlağə
(last modified 2025-07-21T08:04:09+00:00 )
Dec 17, 2024 14:20 Asia/Tehran
  • Nəhcul-Bəlağə

Nəhcul-Bəlağə

Əmirəl-Muminin İmom Əli(ə) Nəhcul-Bəlağə 138-ə hikmətədə bə Xıdo royədə infoğ iyən baxşeşi ənqizə və motivasiyə həmməysə muhimmə qıləyni işorə kardedə və hamyedə:”mən əyğənə ... ikəs ki,baxşeşədə bə podoş iyən mıkofoti yəğınış bıbu,səxovət xarc bəkarde(səxovətin bəbe)”.

Insoni hejo dılış heste qıləy ko əncom bıdo ki,boəy qıləy foydəş bıbu iyən çe zərəliku bə diyəro bıko və həmonə cəhətədə hozzıe ıştə pul iyən sərvətiku bo bə vey muhimmə koon rəseyro xarc bıko.dınyo təmom ticorəton ımruj həm de həmonə ənqizə iyən motivon əncom doey beydə. mənəviyyotədə həm jıləvoniye.

Əkəson ki,bə İlahi və`dəon yəğınışon heste iyən şəkkışon ni ki,Xıdovənd çəy infoğ kardə çiyon mığobilədə dınyo ya axırətədə və ya har dıqləyniyədə ziyodə iyən vey çokə çiyon ğəbul bəkardeyn.əvon ıştə infoğ və baxşeşədə hiç qıləy şəkk kardedənin iyən səxomətmandə formədə ıştə sərvət iyən mol-devlətonku infoğ və baxşeş kardedən.

Xıdovənd Nisa mıborəkə surə 39-ə şərifə ayədə jıqo hamyedə:”Vəma ənfəğtum...və harçi ki, (Xıdo royədə) infğ bıkon,çəy əvəzi bədoe(və çəy vırə pur bəkarde)və Əv,həmməysə çokə ruziədəy”.

Xıdo royədə maddi iyən mənəvi bərəkədə infoği təsiron həxədə məsumə İmomonku(ə)ziyodə hədison varid bıə və nışon doydə ki,ım ko dınyoədə bə insoni ruzi rovnəğ baxş kardedə və həmən axırətədə bəçəy nicoti səbəb beydə.çın hədisonku qıləyniyədə omə:Bəni-İsrayili ğovmədə qıləy salehə merd hestebe.i şəv hanədə vindeşe ki,bəy jıqo votedən:Həx-Təala fulon mığdor umr botı mığərrər və mıəyyənış kardə ki,ıştı umri nimə çe rifohi dılədə iyən i nimə həm çe tanqdasti dılədə bəbeyş və ıştı ım ixtiyor heste ki,sıftədə kom qıləyni bıvıjnoş.

Həmonə merdi voteşe:çımı qıləy salehə jenım heste və əv,çıımı jimoni şərike.çən,az deəy məşvərət bəkardem və peşo bəşmə bəvotem.çoko ki,sıbi zəmon be əy ıştə hanış boştə zevcə nəğlış karde,voteşe.çəy jimoni həmro voteşe ki,rifohinə jimoni iminə nimədə səşın bıkə,ğasbu Xıdovənd bəmə rəhm bıko.çoko ki,şəvi nimə ome rəse,ijən həmonə hanış vinde.

Həmonə merdi voteşe:az iminə nimə yəni rifohinə jimoni vıjın kardedəm.çən,har tərəfiku çəy bəxti vardeşe və əvon de hərəbaxtəti jimon kardedəbin.çəy zevcə bəy voteşe:Xıdovəndi bətı əto kardə çiyon bəştə beçiz iyən niyozmandə nezə odəmon bıdə iyən həmişə bəy votedəbe ki, Xıdovəndi nemətonku xeyə koonədə xarc və məsrəf bıko.  

Çəvon umri niməku dəvarde və çe tanqdastəti iyən beçizəti və`də ome rəse.həmonə şəxs hanədə vindeşe ki,bəy votedən:Xıdovəndi bəştı kardə ehsonon xoto,bə çokətiyon xoto,ıştı əmandə umrış həm çe rifoh iyən asayşi dılədə mığərrər iyən mıəyyənış kardə.