Nəhcul-Bəlağə hikməton

Nəhcul-Bəlağə hikməton

 “Əlhəmmu nisful-hirəm-ğəmo-ğussə hardey çe piyəti niməy”.

Əmirəl-Muminin Həzrət İmom Əli(ə) bımi işorə kardedə ki,ğəmo-ğussə iyən huzn insoni piy bəkarde.əve,ə həzrət tevsiyə kardedə ki,inson çanədə kardey zıneydə bəpe çe ğəmo-ğussəku bə diyəro bımando və ımi bəştə dıli ro nıdo iyən çəy yavə təsironku pərhizko.

Ğəmo-ğussə de mıxtəlifə dəlilon bə insoni soyəx omeydə ki,çəy i baxşiku iştinob kardey mumkin ni.qahi zəmon bə dini iyən mənəvi koon ayide ki,inson ha holədə dimbədim omeydə.qıləy məşhurə hədisədə omə ki,islomi-pəyğombəriku(s)dəparseyşone:Ha Xıdo Rəsul ha!Çıro şımə muyon anədə rə sıpyi bıə iyən piyəti əsəron şımə çehrədə oşko bıə?.ə həzrəti hamyeşe:”Hudi surə mınış piy karde”.çın surə 112-ə şərifə ayədə Xıdovənde-Xalığ bəçımı duston iyən tərəfdoron bənə çımı səbri çe səbr iyən istiğoməti əmrış kardə.joqo ki,hamyedə:”Fəstəğim kəma umirtə və mən tabə məək”.çən,çoko ki,fərmonı pəydo karde,istiğomətkə və həmçinin əkəson ki,bəştı səmt oməyn,bəpe çe ğəddor iyən kin-kudurətinə dışmenon mığobilədə istiğomət bıkon.

Ğəmo-ğussə çe miyoniku bardə məsələonku qıləyni,nımoj handey iyən deştə pərvərdıqori ibodəti koy məşğul beye.həzrət İmom Sadıği(ə) dustonku qıləyni Mismə` votedə ki,İmom Sadığ(ə) bəmı jıqo hamyeşe:”Ha Mismə ha! Qıləy zəmon ki,şıməku qıləyni bə ğəmo-ğussə dıço be,çe qıləy maneəş heste ki,dastnımoj bıqəto iyən bəştə ibodət kardə vırə bışo,dı rıxət nımoj bıvoto iyən dıvoko ki,Xıdovənd çəy ğussə bərtərəf bıko.boçi ki,Xıdovəndi Ğıronədə hamyəşe:”Vəstəinu bissbəri vəssəla-səbr iyən nımojiku koməq tələbkənən”.

Huzn iyən ğəmqinəti bərtərəf kardə roonku coqləyni “bə ğəbıstoni səmt şeye” və bə hamuş iyən oromə insonon ibrətamizə formədə nəzə kardeye ki,iruj əvon həm de dınyo muşkiloton mıborizə bardəşone.bə ğəm iyən huzni məkoni şey,boçəy xotoye ki,çe ğəmi rişə hubbud-dunya iyən dınyo pərəstətiye.qıləy zəmon ki,inson bə ğəbıstoni ərazi şeydə iyən çe dınyo oxo mşohidə kardeydə ki,sərvətin,miskin,çırkin iyən reçinə odəmon həmmə iqlə vırədə hıtən və çəvonku hiç qıləyni deştə qıləy çişon bardəni ki,bəçəvon oroməti səbəb bıbu.

Həzrəte İmom Sadığ(ə) hamyedə:”İsbiru....dınyo koon mığobilədə səbrkənən.zira,iqlə saatisə ziyodə ni.dəvardə çiyonku nə qıləy dard və doj hiss kardedəş və nə qıləy şoyvonəti.binobərin dınyo botı bənə i saatiye ki,tı əyoş,çən çe Xıdovəndi itoəti mığobilədə səbr bıkə və çe mə`siyyət iyən qıno tərki mığobilədə tovin bıbi iyən səbr bıkə”......