Nəhcul-Bəlağə

Nəhcul-Bəlağə

Və ğalə Əli(ə):yənzilus-səbru...səbr iyən purhovsələ bey bə mısibəti əndozə rəseydə və ə kəs ki,çe mısibəti zəmonədə cəzə` və nolə bıko,çəy səvob çe miyoniku bəşe.

Xıdovənd bo mısibəti zəmonədə səbrəkəyon ziyodə səvob iyən mıkofotonış ğərol doə.joqo ki, Zuməri mıborəkə surə 10-ə şərifə ayədə jıqo hamyedə:”İnnəma yuvəff...Səbrəkəyon və tovinə şəxson ıştə əcr iyən podoşon və mıkofoton behisob ğəbul bəkardeyn”.

Ğıron iyən İtrəti(ə) fərhənqədə har qıləy çokə əməl və har qıləy xeyə ko,qıləy mıəyyənə mıkofotış heste.əmmo bə ın şərifə ayə əsos,ğıyoməti ruji çe səbrəkəyon əcr və podoşi qıləy hədd və hududış ni və ğərəz Xıdovəndi hiçkəs çəy mizon və mığdoriku aqah ni.

Rəvoyətədə omə ki,ehyanə hocətinə inson boştə qiriftorətiyon bərtərəf kardero dıvoko iyən çəy dıvo isticobət məsləhət nıbo,Xıdovənd ğıyoməti ruji çəyku uzrxahəti bəkarde və bəhamye:əqər ıştı dıvo ğəbul nıbe,məsləhət nıbe iyən çəy dəlili həm boəy ruşin bəkarde və de qıləy şivə əy cubron və çəy əvəz bebəşe ki,həmonə bandə bəvote ey kaş çımı dınyoədə hiç qıləy dıvom ğəbul bıənıəbe.yəni oruzu bəkade və bəvote:ey kaş çımisə həm ziyodə bəlo və mısibətım vindəbe tayinki,ısət bə veyə mıkofoti malik əbim.

Hətto ehyanə bə mısibəti səbr kardey səvob,vəhışt iyən Xıdovəndi dorud və səlom həm bıənıəbe,çe Xıdovəndi uzrxahəti bə sabir iyən səbrəkəyon nəsib bıəbe,kafi be və vəs kardedəbe ki,inson çın curnə bəlo və mısibəton vədə səbr bıko.zira jıqo qıləy mıkofoti mislış ni iyən insofən ğıyoməti ruji ki,həmmə kəson bəştə qıno iyən səhfon xoto rısvo iyən xar bəbeyn və har qıləy inson çe qıləy pənohqo dumoye,kom ləzzət çımisə barzə formədəy ki,çe ğıyoməti ruji malik iyən hakim ki,həmmə çiyon çəy ğudrəti dastədəy,çe səbrəkəyonku uzrxahəti bəkarde və çəvon dılon bə dast bəstəne.

Əmmo əqər betovətiko,çəy qırd səvobon və əcron  çe dasto bebəşe.bəhisob Əmirəl-Muminin Həzrət Əli(ə) Nəhcul-Bəlağə 144-ə hikmətədə bəmə jıqo tevsiyə kardedə ki,mısibəti zəmonədə səbr bıkəmon.joqo ki,ə həzrət hamyedə:”Yənzilus-səbr..səbr kardey iyən tovinəti çe mısibəti əndozədə nozil beydə iyən ikəs ki,mısibəti vaxti ıştə daston(de betovəti iyən nonkuyəti unvoni) bəştə zonu bıjəno,çe mısibəti mığobilədə qıləy mıkofotış nibəbe”....