Əbədiyə ətır

İronədə İslomi İnğılobi pemey,bo Fələstıni mıborizəonədə qıləy nuyə fəslış oj karde.

iminə ğədəmonku yəni tağutə rejimi devronədə sehyonistə unsuron beğandeyku bino be.joqo ki,əvon İroni ıştə əmnə mərkəzonku qıləyni hisob kardedəbin iyən de sehyosnit rejimi ğeyri-rəsmiyə səfərotxonə bə Fələstıni nımoyəndəon aspardey iyən de nati cərəyoni bırniyeke qətə tosə siyosi dıjdə koon iyən hevujə fəoliyyəton,ımon həmmə boyis be ta qırd məntəğədə qıləy Mığoviməti Cəbhə bə əməl boy və bo məsələ həlliro umu dılonədə icod be.de Mığoviməti Cəbhə zuhuri ko bo sehyonist rejimi vey saxt və muşkil be və həlbəttə ayəndə və omə zəmononədə vey saxt həm bəbe inşəallah-əmmo çın rejimi hamiyon və çəvon sədə amerkə boçəy mıdofiyəro de şiddəti səy kardedə.Livanədə Hizbullah mumin,cıvon iyən fədokorə ğıvvon iyən çe Fələstıni marzon dılədə bənə de motivasiyə pur bıə Həmas iyən İslomi Cihodi qrupon təşkil pəydo kardey,nəyinki,sehyonist rejimi səyvonon,bəlkəm amerkə və ğərbi co sıtəmkorə devləton həm norohət iyən niqəron bin və çe məntəğə dıləku iyən ərəbi camiyə daxiliku ğəsbkorə sehyonist rejimi Aparat və proqrami təminotı dəstəqi cəhəto himoyə bədiqə,bəçəvon plan və bərnoməon sıftənə qıləyni təbdil be.çəvon de həcmi pur bıə koon nəticə,ımruj ərəbi devləton rəhbəron kali qıləyniyon rəftor iyən sıxanonədə və çe ərəbə mədəni iyən siyosi xayinə fəolon bəzi qıləyniyonədə oşkoye və həmmə kəson çəşon vədəy…..

 Bə məntəğə peşonə hodisəon nəzə kerdeyədə nışon doydə ki,çe ğərbıjon iyən yəhudi kompaniyə soybon sehyonistə devləti pesoxteyku nez iyən əsliyə hədəf,boçəvon ğərbi asyiədə qıləy dayimiyə huzur və nufuziro qıləy ğərolqo icod kardeye ta əvon rohətədə formədə bə çın reqiyoni kişfər iyən devləton təsəllut pəydu kardero iyən bçəvon daxili koon mıdoxilə kardero qıləy hostonə dastrəsışon bıbu.bəçəy xoto,əvon ın pesoxtə bıə iyən ğəsbkorə sehyonist rejimi de çandə nev ğudrətofəyə imkonaton ısət çe hərbi bıbu ya ğeyri hərbi –hətto de atomi silohoh həm təchiz kardəşone və çın vəhmi noxəşəti ruşd və inkişofi zəminə çe Nili ruyku tosə Furoti ruy,ıştə planonədə tərtib kardəşone.məələsəf ərəbi əksər kişfəron həm ki,çəvon kali qıləyniyon çe sıftənə bə təğdıri loyığ mığoviməton bəpeşt,de tədrici təslim bin və məxsusən çe amerkə bə məntəğə bənə ım məsələ ğəyyumi unvoni daxil bey bədiqə,ıştə həm insoni,həm İslomi və həmən siyosi vəzifəonışon və həm ıştə ərəbə ğıryət iyən ğururışon çe viro bekarde iyən de puçə umuon bə dışmeni hədəfon koməqışon karde.kamp deyvidi saziş bo ın telə həyğəti qıləy ruşinə misole….

Mıborizə qrupon həm sıftənə soronədə bıə bəzi fədokorətiyon bədiqə,de tədrici de işğalqərə sehyoniston iyən deçəvon himoyədoron çe befoydə mızokirə iyən sazışi roşon qəte və əvoni bə Fələstıni ideyalon real bey rosnə roy xəttışon vo doe.de amerkə iyən de ğərbi co devləton mızokirə kardey və həmçinin de beynəlxalğə bexarakterə onemonon mızokirə kardey,bo Fələstıni qıləy tel iyən beovandə təcrubəy.İMT Umumi Assanbleyadə çe zeytuni huşə nışon doey sıvoy Oslo ziyoninə mığovilə co qıləy nəticəş nıbe iyən oxoyədə həm ım ko,de yasir ərəfoti ibrəamizə tale və ağıbəti bə oxo rəse….

Həzrət İbreym pəyğombər ki,deştə ə əzəməti bə Mıtəolə-Xıdo ərz kardedə ki,çımı dılım heste,bımyon bəyji bey bıvindom.Mıtəolə-Xıdo jıqo hamyedə:”Ğalə əvələm tu`min….ço,imonım heste.yəni komilə surətədə ğəbul kardedəm,əy təsığ kardedəm.ıştən həm çe dıləsoxt.”Və lakin liyətməinnə ğəlbi…əmmo həni boçımı zehnədə qıləy təlatumi nımandey və boçımı xotıscəməti xoto əvım mışohidə kardeyım piyedə.bın zəmon Mıtəolə-Xıdo hamyeşe ki,vey çok,bəvədə tı həm ın koon əncom bıdə ta tı deştə çəşon bıvind ki,Mıtəolə-Xıdo bın curnə mardəyon bəyji kardedə.çok,əmə deştə çəşon vindemone.yəni əmə deştə çəşon mışohidə kardemone ki,iqlə millət de xaliyə daston məcburiyə canqədə səbarz bin.siyosi iyən beynəlxalğə məsələonədə tojə bə hakimiyyət rəsə qıləy mərdum,bəsə dışmenon məkrinə planonsə səbarz bin.qıləy millət bayin ki,çəy mığobilədə qıləy zumandə maddiyə cəbhə təşkilış pəydo kardəbe ki,əvon çe peştiku xəncər jeydən və çe naviku şımşi jeydən,hay-huy kardedən,zikməvulə jeydən və fulon ko  kardedəbin,çıl sore ki,bəçəmə ələyh dumo yande suyi-ğəsd karddən.çıl sore ki,mınəzzəmə formədə çəvon mərkrinə planon vəy qətey beydə.bəqəm əmə ımoni vindedənimon?.ımon çəmə həmonə təcrubəonin.əmə ıştə ın təcrubəon nəzədə bıqətəmon iyən bızınəmon ki,çe zumand, ğudrətin,izzətin iyən səbarzə inkişofi roy,de Ğıroni irtibotiku iborəte.çın həmmə xeyraton mo və inə,ın İlahi kitobe ki,Əlhəmdu lillah şımə deəy oşnoon,şımə deəy unson qətə.şıməku kali qıləyniyon hestin ki,əvon hifz kardə və əkəson ki,əy tilovət iyən ğiroət kardedən və əkəson ki,…. və əkəson ki,ustodin.çən,əslə ko,ın Ğırone….