Nəhcul-Bəlağə pand iyən hikməton
Nəhcul-Bəlağə pand iyən hikməton
Və ğalə Əli(ə) lirəculin....İmom(ə) qıləy şəxsi cəvobədə ki,çəyku moyizə iyən pandış tələb karde,jıqoş hamye:”(çə kəsonku məbi ki)...ıştə həxı hartərəfin seydə,əmmo çe cokəson həxon komilə formədə pərdaxt kardedəni, doydəni”...
Məcidə-Ğıron Mutəffifini mıborəkə surə sıftədə jıqo hamyedə(Vəylun Lil Mutəffifin....vay bıbu bo kaməhvaton! əvon ki,mərdumiku boştə de pəymonə qıləy çi seyə zəmonədə(ıştə həxı seydən)əmmo bə cokəson qıləy peymonə doə və ya vəzn kardeyədə,kam noydən”.
Əmirəl-Muminin Həzrət İmom Əli(ə) Nəhcul-Bəloğə 150-ə hikməti iqlə baxşədə çə həzrətiku moyizə iyən pand tələb kardə şəxsi jıqoş hamye:”Və yəstəovfi və la yufi-...(çə kəsonku məbi ki)...ıştə həxı hartərəfin seydə,əmmo çe cokəson həxon komilə formədə pərdaxt kardedəni,doydəni”.
Vey vaxti vindəmone ki,fərdon çe qıləy mıəyyənə məbləği mığobilədə məlumə saatədə bo qıləy ko əncom doeyro xıdmət kardeydən və ya məmur beydən,əmmo çe koy zəmonədə de qıləy formə dəğəxələti kardedən və bəştə təəhhudon əsos ko kardedənin.həmonə fərdon ıştə mızd iyən məvacibi seyə zəmonədə,ehyanə çəy mızdi məbləğiku cınqıri bəkam kardey bıbu,ko soybi de bəçəy həxon rioyət nıkardey koy mıttəhəm bəkarde və çəyku şikoyət bəkarde.
Əmirəl-Muminin Həzrət İmom Əli(ə) ıştə oxonə tevsiyədə bə dardon,əxloği inhirofon iyən bə qıno mırtəkib bey əsliyə noxtə işorə kardedə və hamyedə:”Və yəxşəl-xəlğə...(çə kəsonku məbi ki)...ğərəz Xıdoku tarseydə,əmmo ıştə pərvərdıqoriku tarsış ni”.mərdumi veyni kali koon çe cokəson vədə,hətto çe hırdənon vədə həm əncom doeyku qıləy tarsışon heste iyən həyo kardedən.əmmo xəlvətədə çe qıləy dıjdə qınon əncom doeyku hiç qıləy xofışon ni iyən çe viro bekardedən ki,Yolə Xıdo həmmə holonədə hozıro-nozıre.
Çın məno misl de co qılə təbiri “Ğurərul-Hikəm və Durərul-Kəlomi“ kitobədə barzə pandon iyən bənə durri bıə kəlməon çə həzrətiku nəğl bıə:”Şərrunnasi mən yəxşənnasə....həmməysə bevəcə mərdum əvonin ki,Xıdo itoətədə millətiku tarseydən,əmmo mərdumi itoətədə Xıdoku tarseydənin”.ın fərdon zohirədə muminin və bo mərdumi dıli bə dast vardero de qıləy co iborəti bo milləti rayon bə dast vardero har qıləy ko kardedən və bə Xıdovəndi əmron qıləy dığğət kardedənin.Xıdopəsənd iyən dırıstə koon,ehyanə bə mərdumi xoş omə ko nıbo,vo doydən iyən çəy ağıbətiku qıləy vohiməşon ni.
