Nəhcul-Bəlağə pand iyən hikməton
Nəhcul-Bəlağə pand iyən hikməton
“Ələmru ğəribun...Maqi fərmon neze və de mərdumi bə ico bey iyən çe dınyo neməton kutoe”.ın cumlə bənə qıləy nəsimi çe ğəfləti pardəon bə kəno jeydə iyən əməni bə jimoni həyğəton yodi dəğandedə ta əmə bıvindəmon əv,deştə qırd reçinətiyon iyən ləzzəton çanədə rə dəvardedə iyən zəyife.
Im qıləy həyğəte ki,əmə həmmə əy zıneydəmon,əmmo qahi zəmon əy çe viro bekardedəmon.har ruj ıştə nezə duston iyən odəmon beconə cəsədi mışohidə kardedəmon ki,çe cokəson duşonsə bə məzori səmt bardey beydə.çəmə azizonku veyni xoliyə vırə çəmə miyono hiss kardey beydə iyən çəvon ğəbon çəmə dast rəsədəy.əmə əksərən bəçəvon ğəbon ziyorəti şeydəmon və çəvon xotırə aziz qəteydəmon.hətto çe torıxi səyfəonədə həm qıləy nomon handedəmon ki,iruj məşhur bıən, əmmo ımruj çəvon pıxə astəon çe zəmini jiyədə mandə iyən çəvon ğəsron həm bə vironəon və xərobəon təbdil bıə.ımon həmmə nışonəon ki,bəmə votedən:bın dınyoədə bıə jimon çanədə foni iyən rədəvardedə.
De ın holi çıro əmə hənuz həm ğəflətədə mandəmon?.boçi əmə ıştə jimoni oxo fikədə nimon iyən boştə axırəti səfəro qıləy azuğə hozzı kardedənimon?.Əmirəl-Muminin Həzrət İmom Əli(ə) Nəhcul-Bəloğə 122-ə hikmətədə jıqo hamyedə: ”Quya çe maqi fərmon ğərəz əmə bo cokəson nıvıştə bıə iyən jıqo bızın ın bımyon ki,əmə deştə çəşon əvoni vindedəmon, qıləy mısofiron iyən mehmononin ki,rəyrə bəçəmə səmt obəqardeyn”.ın cumlə qıləy çəşnaviye ki,bəçəmə yod dənoydə:Maq bo həmmə kəsone,nəyinki,fəğət bo cokəson.
Qıləy rəvoyətədə ki,mərhum Kuleyni Usuli-Kafi kitobədə çe Rəsuli-Əkrəmiku(s) qıləy hədisış nəğl kardə ki,əmə ısət əy handedəmon:Çə həzrətiku dəparsey be:kom mumin vey huşin iyən zırənqe?.Ə həzrəti hamyeşe:”İkəs ki,çe həmmə kəsisə vey maqi fikədəy iyən çe həmmə kəsisə vey boəy hozzı beydə”.
In rəvoyət bəmə votedə ki,maqi bə yod vardey,çe huşinəti iyən zırənqəti nışonəy və jimoni de qıləy hədəf iyən məsuliyyəti bənav bardedə.Xıdovənde-Xalığ Hədidi mıborəkə surə 14-ə şərifə ayədə de qıləy ğəşənqə bəyoni jıqo hamyedə:”Və Ərrəzəkumul-əmani...Oruzuon şıməş aşığış kardə iyən maq çe royku omə rəsə”.
In nığılə məfhumon nəyinki,dini mətnonədə,bəlkəm ədəbiyyot iyən şeeronədə həm qıləy əks-sədoş doə.İroni mıosirə şayir iyən ənıvışt bıə Sehrob Sepehriku qıləy reçinə cumlə ğeyd kardey bıə ki,votedə:”Hərəbaxtəti ciqəron de maqi oksijeni purin”...
