Əbədiyə ətır

Əbədiyə ətır

Əqər bıpyimone ın maarifi çe cəmiyəti ideyoloji atmosferədə çe kəlmə həyğiyə mənoədə real bıbu iyən bə həyğət bırəso,bıpyimone ım erjon çe mərdumi əmələdə,çəvon ıştən rəftorədə nışon bıdo,bıpyimone ım hukmon ki,çe navşemon iyən hərəkət ki,çevəsilə iyən vositən,bə həyğət bırəso,bə qıləy siyosi ğudrəti çəmə niyozımon heste:ehyanə ğudrət siyosi nıbu,ğoldoron bə ğanuni tabe nibəbeyn,tanbəlon qıləy ko əncom nibədon,çe ğoldoron,puldoron iyən mıstəkbiron siyoə ləşkər çəvo dumo hərəkət bəkardeyn.yəni çe nıbuvvəton həmonə məğsəd hosil nibəbe. liza Kərimə-Ğıronədə hamyedə ki,”Ma Ərsəlna...ın fəğət bəçəmə pəyğombəri(s) ayid ni.bə həmmə pəyğombəron ayide.ımon bəpe boon kişfərədə itoət kardey bıbon.mərdum bəpe bəvon tabe bıbon.liza qıləy zəmon ki,bo pəyğombəri-əkrəmi(s) dəvət kardero Yəsribiku omin iyən isror kardeşone ki,ə həzrət bə Mədinə hicrət bıko,hejo həmonə co ə həzrəti deəvon beyətış karde. beyət yəni ıme ki,şımə çəmə əmri jiyədəyon,əmə omeydəmon əyo de ın şərti:peşo həm Pəyğombəri-Əkrəm (s) bə Mədinə vorid be və çə həzrəti iminə kardə ko.qıləy siyosi iyən iştimoyi ğudrəti təşkil doey be.yəni hukumətış təşkil doe.binobərin ım çe nıbuvvəti koy şərtonku qıləyniye.həlbəttə,çe pəyğombəron ziyodə dışmenonışon bıə:”Və kəzalikə cəəlna...qıləy zəmon ki,əvon hukumət təşkil doydən,xarici dışmenon həm bəvon izofə beydən.de hukuməti təşkil doey,daxili dışmenonsə əlovə xarici dışmenon həm bəvon izofə beydən.ın məlume.boçəy xoto ki, xarici dışmenon ehyanə çoko ki,çe siyosəti aləm nıbu iyən siyosi ğudrət mevcud nıbu,jəqo həm qıləy əhəmiyyətış nibəbe.har qıləy sıxan ki,ikəs bıvoto,xeyli dumo əy nibəşe.qıləy vaxt ki,siyosi ğudrət ome rəse,bın zəmon xarici dışmenon,əkəson ki,de ədoləti mıxolifin,həmonə kəson ki,de ozodəti mıxolifin,əkəson ki,de həxı mıxolifin,har qıləy inson bo çokə jimoniro iyən bo mıstəğilə jimon kardero,hukmən mıxolifət bəkarde...

Mı oxonə sehbətonədə çandə kərə tikrorım kardə ki,kişfər bəpe zumand bıbu:çe kişfəri zumandəti çəmə hədəfonku qıləyniye.ın həm çe Besəti nusxəon əsliyə xəttonkuye:ın həm çe Besətiku peqətə bıə:ın həm çe Ğıroniku peqətə bıə.Kərimə-Ğıron hamyedə ki”Və əiddu ləhum... Çanədə zuon vışkiyedə ğıvvə ziyodkənən.ısət ki,ın ğıvvə iminə nevbədə,sıftənə nəzədə mumkine hərbi ğıvvə bə nəzə booy.lakin zohirən ım çe hərbi ğıvvə dayirəsə vey hovuje.çe ğıvvə cəhəton vey qeş və hovuje,ixtisodi cəhətonış heste:ixtisodi ğıvvə,elmi ğıvvə,mədəni ğıvvə,siyosi ğıvvə ki, çe siyosi ğıvvə iyən siyosi mıstəğiləti zəminə hozzı kardedə-və təblıği ğıvvə de zəmoni dəvardey bo kişfər iyən milləti zumand kardero coqlə ərsəon bə vucud vardedə.şımə fərzkənən ımruj çe kişfəri cıvonə cəmyəti xandi kardey çe ğəvvə avjoronku qıləyniye.ısət bandə ziyodə çe zandemonon barədə təkid kardedəm,boçımi xotoye.çəmə kişfər ımruj cıvonə kişfəre.əqər çoko ki,zandemonon bın kişfərədə lozımi iyən kifoyət ğədərədə nıbu-ki,ısət kifoyət ğədərədə ni-çandə vaxti bəpeştə,çandə soron bədiqə çəmə kişfərədə cıvonə nəsl bəkam bəbe.bə zəmon cıvonə nəslış bəkam bıə qıləy kişfəri navşemonış həm bəkam bəbe.çe ğudrəti avjoronku qıləyni camiyədə çe cıvonon əksəriyyəti xandi kardeye.ya ımruj  kiber məkonədə bıə ğıvvə həyotiye. ımruj çe dınyo həmmə vıronədə virtual aləm bə insonon jimoni hakim bıə və i dastə odəm ıştə koon həmmə de virtual aləmi təvəssıti  bənav bardedən.bın zəminədə ğıvvə həyotiye:ki, Əlhəmdulillah bın zəminədə çəmə muhəğğiğon,həkimon iyən bın royədə ekspert iyən xıbrə bıə kəson ziyodə koonışon əncom doə...

Zilhiccə mo dıminə da rujon çe viloyəti da rujonin iyən Ğədiri məsələ ki,rəvoyətədə heste ki,”Ma Nudiyə əhədon mislu ma nudiyə bivilayəti”:İlahi həmmə hukmonku çın viloyəti qıləy barzə məğamış heste.çunki,çe İlahi hukmon həmmə qıləyni təmin iyən təzminəkəy ki,çok çe Ğədiri macəro iyən həmonə daston vey muhimme(əy bəyon kardedə).

Seminə da rujon həm qıləy da ruje ki,bəvədə muhimmə hodisəon mevcude:min cumlə və ğasbu həm həmməysə muhimmə qıləyni çe Mıbohilə ğıssəy ki,əyo həm məsələ çe tohidi məsələy.yəni həmonə ruji çe pəyğombəri(s) de məshihi iyən xristiyanon bıə bəhse.Nəcroni nəsara iyən xristiyanon ki,mıbohiləşon karde.bəhs çe Həzrət İsa(ə) barədə be ki,Həzrət hamyedəbe ki,Həzrət İsa(ə) Xıdo bandə iyən çəy pəyğombəre.əvon co çiyon votedəbin.ğərol be mıbohilə bıkon.