Azərbaycan Respublika

Məhərrəmə manq daxil bıe

Sep 11, 2018 08:10

Sentyabrə manqi 11-ədə Məhərrəmə manq bino bıe. Aşura ruj sentyabri 20-ədə bəbe. Hicri təğvimi sıftənə 2 qılə - Məhərrəm və Səfərə manqonədə Az.R şiə əhali jimon kardə vilayətonədə vəyə və diqər şodmonə mərasimon dəvunidənin, bə Peyğəmbər (s.ə.v.s) nəvə imom Huseyn (ə), çey xeyzoni və tərəfdaron şəhadəti ehtiram kardedən və matəm oqətedən.
Ğərəboği barədə Boku bə İrəvani nəzə reaksiya nışoş do.

Sep 10, 2018 11:17

Ermənistoni i-nə vəziri sohbəton Ğərəboği məntəğə barədə ım kişvəri hakımiyəti həx, de Azərbaycan Respublika reaksiya dim bə dim bıə.
Az.R-ədə Tolışə tarixiə abidəon dızdidən

Sep 10, 2018 09:31

Liki şəhrestani əraziədə xeyli ğədimə tarixiə abidəon hestin. Bı nezonədə Lərmərud di əraziku ğoçə heykəlon dızdie fakt bə oşko beşe. Im diy sakin Zeynal Baxşızadə bə Meydan TV məlumat doşe ki, avğustə manqi 12-ədə çe Respublika Mədəniyyətə Vəzarətiku omin çəvon diyku 6 qılə ğoçi abidə bardışone, bə diy sakinon votışone ki, de Heydər Əliyev fondi təşəbbusi Şamaxıədə Arxeoloji Muzey təşkil bıə.
Ğərəboğədə Amerkə mıdoxiləon dəvom kardedə.

Sep 06, 2018 08:22

Çı Amerkə qıləy şahrvandon bə Ğərəboğ məntəğə səfər iyən bə Azərbaycan respublika milləti əleyh təhğirəkə sıxanon bəyon karde bəpeştə Boku çı Amerkə mıvəğğətə səfiri ehzorış karde.
ĞMİ de Məhərrəmə manqi əlağədar fətva doəşe

Sep 06, 2018 06:10

Ğəfğazi Mısılmonon İdarə Ğaziyon Şura de Məhərrəmə manqi əlğədar fətva doəşe. Əyo votə bedə ki, Məhərrəmə manq de Miladi təğvimi sentyabrə manqi 11-minə ruji bino bedə. Aşura ruj isə bə sentyabri 20-minə ruj eqınidə.
Siyasiə Məhbuson Monitorinq Mərkəzi ıştə hesabat elan kardəşe

Sep 06, 2018 05:51

Az.R-ədə bə bəşəri huğuğon riayət karde vəziyyət qıvonine, və ım hol şe-şe həniən yavə bedə. Hokumət bı sahədə islahat barde həxədə sıxan bıdoən, çey tərəfo şəhrıvandon huğuğon darıştə əməlon muntəzəm dəvom hestışe. Siyasiə Məhbuson Monitorinq Mərkəzi ıştə hesabatədə bı barədə ətrofinə məlumat doəşe.
Azərbaycan Respublika elanış kardə: məhərrəmə manqədə əzodorəti dastəon hərəkət karde ğədəğəne.

Sep 06, 2018 05:12

Çı Azərbaycan Respublika Ğəfğaz mısılmonə ruhanion idarə ım kişvəri kuçə xiyobononədə iyən məhərrəmə manqi mərasimonədə əzodorəti dastəon hərəkəti ğədəğən elanış karde.
De Məhərrəmə manqi əlağədar Az.R hokuməti planon

Sep 05, 2018 09:17

Im sor sentyabri 11-ədə məhərrəmə manq damedə. 10 ruji bədiqə Aşura ruj bəbe. De ımi əlağədar bə Dini Təşkilaton dair Devlətə Komitə sədr Mubariz Ğurbanli votəşe ki, devləti tərəfo tədbirə plan hozo kardəşone. İmən çəvədə ibarəte ki, rayononədə muxtəlifə vindemon və muzakiron dəbəvunien. Məhərrəmə mərasimonədə bəzi odəmon xurafatə hərəkəton karde pidəşone ki, bəvon ro doe nibəbe.
Qilon iyən Az.R miyono ticori mıbodilə iyən turizmi ziyod kardero mızokirəon

Sep 04, 2018 09:41

Qilon iyən Az.R miyono ticori mıbodilə iyən turizmi ziyod kardero mızokirəon
Tırkiyə və Azərbaycan Respublika mıştərəkə həvo manevr təşkil bə.

Sep 04, 2018 06:55

Azərbaycan Respublika və Tırkiyə həvo ğıvvon mıştərəkə manevr Tırkiyə Konya şəhrədə təşkil bə.