Azərbaycan Respublika

Serkisiyan: Ğərəboği əmniyət Ermənistoni i minə və navədə bıə koe.

Mar 26, 2017 15:21

Ermənistoni prezident Serj Serkisiyan Ğərəboğ məntəğədə bıə Erməniyə əsqəron cəmədə votışe: Ğərəboğ bandiyə məntəğə əmniyəti təmin karde çəmə əvvəlnə bıə koe.
Devlət de rışvəxorəti çokney mubarizə bardedə

Mar 26, 2017 07:58

Az. R -ədə Prezident səviyyədə de rışvəxorəti mubarizə zərurəti barədə çand bəjəm votemonon bıən, Prezident Adminstrasiya sədr Ramiz Mehdiyev vəzifədaron qırdə kardedə bəvon çəşnavi dodə ki, rışvə se həni dəparçınon. Beynəlxalqə təcrubə nişon dodə ki, de ım mərəzi ən effektinə mubarizə de mətbuati vasitə ım fakton faş karde, jəqo məmuron nomi bə cəmiyyəti, həmən bə huğuğ muhafizə orğanon nəzə rosniye. Əmo ısət məlum bedə ki, Az.R -ədə hətto ım beynəlxalğə təcrubən əks nəticə dodə.
İslam partiya məhbusə rəisi həbsi mıddəti ziyod karde barədə etırozon.

Mar 25, 2017 16:14

Azərbaycan Respublika siyasi məhbuson vəziyəti nəzorət əkə mərkəz çın kişvəri islam partiya rəisi bə karser vığande hukmi mıddəti ujnən ziyod karde bardə etırozış kardə.
İ.Əliyevi dindarə məhbusonədə hiç kəs əfv nıkardışe

Mar 25, 2017 06:02

Marti 16-ədə Prezident İlham Əliyevi de Nəvuzə idi əlağədar 423 nəfər əfv karde barədə sərəncom doşe. Həmonə odəmon siyahiədə siyasi məhbusonədə 5 nəfəri nom heste. Əmo ey dini məhbusonədə hiç kəsış əfv nıkarde. Vəhalinən İslamə Həmrayəti sorədə bımi vey ehtiyac hestbe.
Azərbaycan Respublikaədə zindonion əf karde və doktur Muvsen Səmədofi nəvozə idə əzyət karde

Mar 23, 2017 08:58

Azərbaycan Respublikaədə zindonion əf karde və doktur Muvsen Səmədofi nəvozə idə əzyət karde
Mısılmonon İbemonə Hərəkatı İdarə Heyəti üzv dəstqir kardəşone

Mar 21, 2017 05:40

Martə manqi 14 -ədə şanqo Boku polis nəfəron bə dini fəal Elxan İskəndərovi kə hucum kəşəşone, əvşon dəstqir kardə. Bı həxədə "Azadlıq radiosu" xəbə doəşe. Çəyo Nəsimi Rayon Məhkəmə boəyo 3 manq 11 ruj muddətinə həbs bıriəşe. Çey vəkil Fariz Namazli votəşe ki, Elxan İskəndərovi bənə Nardarani hadisə məhbuson de Cinayət Məcəllə 10 qılə maddə ittiham kardedən. Əv Mısılmonon İbemonə Hərəkati İdarə Heyəti uzv bə.
Beynəlxalq aləmədə hokuməti nufuz rujbəruj saru eqınidə

Mar 20, 2017 18:37

İlham Əliyevi hokumət dınyo miğyasədə ıştə nufuzi muhafizə karde ro çanədə budcə pulon xarc karde bə həmə kəsi çok məlume. Avropa Olimpiya hənəkon, İslami Həmrayə hənəkon, "Formula-1" musabiğat, xarici məmləkətonədə xeyriyyə tədbiron, elmiə konfrans və simpoziumon həmə bo Az.R nufuz ğəzənc karde məğsəd hestışe. Əmo hiçən təəccubinə ko ni ki, anədə tədbiron hiç qıley effekt dodəni, Azərbaycani hokuməti nufuz rujbəruj saru eqınidə.
İroni rabitə və texnoloqiya vəzir de Azərbaycan Respublika president vindımonış dəvoni.

Mar 18, 2017 09:41

İron İslam Respublika rabitə və texnoloqiya vəzir Azərbaycan Respublika president vindımonışon dəvoni və 2 tərəfə əlağon inkişaf doe barədə votımonışon karde.
İron və Azərbaycan Respublika iğtisodi mıştərəkə kamissiya rəison miyono tojə mılağat.

Mar 17, 2017 17:23

İron və Azərbaycan Respublika iğtisodi mıştərəkə kamissiya İronıjə rəis çın kamissiya Azəriyə rəsmi şəxsi mılağat kardeədə 2 tərəfiyə həmkarion inkişof doe barədə votımonış kardə.
Az.R -ədə məçiton miğdar çanədey?

Mar 16, 2017 06:39

"Maide.az"sayt nıvıştedə ki, Az.R-ədə 2 həzo 166 qılə məçit heste. Çəvonədə 209 qılə Nəxçivanədə , 135 qılə Bokuədə, əmandəyon rayononədə fəaliyyət nişon dodən. Dəvardə əsri 90-minə soriku xarici devlət və təşkilaton Respublikadə 119 qılə, çəvonədə Turkiyə 23, Kuveyt 73, Səudiyyə Ərəbıstoni 3, Ğətəri və İroni İslamə Respublika odəmə 1 qılə məçit inşa kardəşone. Kuveyti dutə məçiton 14 qılə təriğət təbliğ karde səbəbiku ıştə fəaliyyət ğət kardəşone.