Ostoroədə İnğilobi royədə ıştə coniku dəvardəkəson bə yod vardey mərosim

Mığəddəsə mıdofiyə mınosibəti xoto Ostoroədə İnğilobi royədə ıştə coniku dəvardəkəson bə yod vardey mərosim bərpo be

Bə İrna jurnalisti raporti əsos Ostoro cımə İmom cımə sıb in mərosimədə ın şəhrestani Həzrəte Fatimə(s)-i bıə nomo məçitə votışe:

İron İslom respublikə kişvərədə ımrujnə oroməti, istabeləti və əmniyət ın kişvəri səfərbərə merdon və jenon fidokorəti və ıştə coniku dəvarde xotoy və bəpe ın iğtidor ruj bə ruj mıhkəm bıbo.

Hucətull islam Hafez niya votışe: vağti millət tağotiyə hukuməton vədə ğiyam bıkənbə xəili problem dıço bəben və ın prublemon fəğət de milləti huzur və çəvon iştiraki miyonəku bəşe və kişvər bə inkişof və ovdonəti tərəf ğədəm pebəqəte.

Əv dınyodə bə İron İslom Respublikə hərbiyə silohinə ğıvvon bəpeə ğodrət təkidış ak və izhış ka hərbiyə qıvvon cihodiyə fik və bərəkəti və de bə Xıdovəndə Xalıği təvəkkul karde və mıdofiyə bomiyə elmiku ımruj istikbariyə ğudrəton mığobildə mıhkəm mandən.