Qilonədə anqivini istehsol bə 5500 toni rəse

Qiloni ditəsərrufati heyvoni istehsoli çok kardey idorə muavin ın ostanədə bə anqivini istehsol 10 faiz ve bıe işarəş ka və votışe: Qilonədə anqivini istehsol ısət bə 5həzo 500 ton rəsəy

Huccətul İslam Əli Əkbərnejad de Təsnim xəbəriyə mərkəzi jurnalisti mısohibədə votışe:

Bə əncom bıə təhğiğon əsosımsor Qilonədə anqivini istehsol 10 faiz ve bəy yəni ın erjinə məhsoli  istehsol nisbət bə dəvardə sor 5 həzo toniku bə 5 həzo 500 ton rəsəy.

Qiloni ditəsərrufati heyvoni istehsoli çok kardey idorə mıuvin ostani bə meşəvonə ko məşğol bıə kəsonış aşmarde və unvanış ka 96 minə sorədə təğribən 4 həzo 590 nəfər Qilonədə bə ın ko məşğol bin əm de əncom bə himoyəon 97 minə sor çəvon ədəd ve be.

Əli Əkbərnejad votışe Qilon ostanədə 310 nəfər bə meşəvonəti məşğolin vəəlovəş ka təğribən 4 həzo 900 nəfər Qilon ostani mıxtəlif vıranədə bənə Tolış, Ostoro, Rudsər və Siyhkələdə bə meşəvonəti məşğolin.