Ostoro ənənəvi şiniyon pate ijən bino bəbe

Ostoro islomiyə irşad və fərhənqi idarə rəis votışe: ın şəhristani ğədimiyə xorəkon və şinion pate bo xanımon de təlimiyə dıvrəon bərpo karde bino bəbe

Şapur Təşrini de İrna jurnalisti mısohibədə əlovəş ka:

Ostorodə ğədimiyə xorəkon və mıxtəlif şinion festival bərpo bedə əmo çəy təlim doyeku ğəflət bəbı və çəy təlimiyə kılason islomiyə irşad və fərhənqi idarə də bərpo bəy.

Ən əlovəş ka şini və bomi ğədimiyə xorəkon İ baxş çəmə fərhənqikuy və çəmə vəzifəy ki, dərdə rujon odəmon fərhənqi bəji və mıhofizə bıkəmon.

Ostoro turizm və dasti sənaye fərhənqiyə ers idarə rəis həm bəyonış ka zerən, partdama, paxləvo, bişi Ostoro ğədimi və bomiyə şinionkuy və bomi və ğədimiyə şinion nımuyşqo bərpo bəbe.

Daruş Məlekzadə əlovəş ka ço qılə bomiyə xorək yəni ləvənqi, bastıma, boraniyə pılo, çığırtmə turizm və dasti sənaye fərhənqiyə irsı idarə əsəron siyahiədə çəy ğeyd be roon dəniyə bedə və de çəvon ğeyd karde xorək turizm də Ostoro zərfiyət zomand bəbe.

Və bo İroni əsil və ğədimiyə jimoni səbk milləti oşnobe və ko və ixtisodiyə ruvnəğiyə fırsəton icod bəkay.