Tolışədə 160 qılə plan bə istismor bərəse
160 ovdon, istehsol və ditəsərrufati plan İnğılobi 40 sorəti Fəcri darujonədə Tolış şəhristanədə bə istismor bərəse.
Qilon mərkəziku bə tele rədiyo xəbəriyə mərkəzi rporti əsos fərmondor Tolış şəhri idariyə şura iclosədə votışe:
160 ovdon, istehsol və ditəsərrufati plan de 475 milyard riyal vəsait və sərmoyə noe in şəhristanədə bə istismor bərəse.
Seyd İsa Məhdəvi votışe: de ın planoku bəhrə peqəte 128 nəfəriyo ko icod bəbe.
Tolış şəhri cımə İmom Hucətull İslam vəlmuslemin Nəğdi əlovəş ka:
İnğilobi 40 sorəti bo nizomi xidməton bəyon kardeyo çokə fırsəte ki, məsul şəxson bəpe ın koədə təloş bıkən.
Tolış şəhristani Sınnion cımə İmom Huccətull İslam Huseyn Xani həm votışe:
Bəhmanqi 22 minə ruji İnğilobi 40 sorətiədə İroni millət mitinqədə de ıştə milyoniyə huzur bə dışmenon subut bəkan ki, zərrəi İnğilob və rəhbəri arzoonku dılsard nin.
