Qeneral Əmcədi saray bo Tolışi muzey təsis kardero vıjniyə be

Qilon ostani turiz və dasti sənaye fərhənqi irs idarə rəis votışe: Qeneral Əmcədi saray bo Tolışi muzey təsis kardero vıjniyə be

Bə Ariyə irsi raporti əsos Qilon ostani turiz və dasti sənaye fərhənqi irs idarə ictimaiyə əloğon nəğli əsos Şəhrud Əmirintexabi ki, Qilon ostani turiz və dasti sənaye fərhənqi irs idarə rəise votışe:

Qeneral Əmcədi saray bo Tolışi muzey təsis karderoyo çokış vinde.

Əv dəvamış do ki, qıləy sorətədə ki, muzey həl bıbo Qilon ostani turiz və dasti sənaye fərhənqi irs idarə 6 manq mıdətiyo muzey 1minə mərhələ təcihizon bə rodəğandeyo huzuy.

Əmir entexabi əlovəş ka Tolış şəhristani muzey bəzne qıləy fəhənqiyə mərkəzi onvanədə məntəğə fəhənqiyə rişə zomand karde və oşno kardeyo təsir bınə rolş bıbo.

Qeneral Əmcədi saray Qilon ğərbı kərbiciyə yolə binoy və ğacari dəvrədə Tolışi xəmsə məntəğə hukomətiyə ərqi mərkəz bəy ki, ın ıştansə ın bino çandə bərorbər çokə məzyəti nışon dodə.

Və co cəhəto məntəğə fərhənqi və ictimai torixi səhifədə çəy əhəmiyəti nışon dodə ki, ın bino hifz bıe yo bəy təkide.