Tolışədə bə Ğıroni naxş jıey və xoşnıvıştey nımoyişqo
Ğıroni naxş jıey və xoşnıvıştey nımoyişqo Tolış şəhri dı qılə yolə hınə soybi əsəron nımoyiş doe de Rəməzani mıbarəkə manqi mınosibəti xoto de ın şəhristani məsul şəxson huzur bərpo be
Bə İrna jurnalisti raporti əsos Tolış şəhristani İslomiyə İrşad və Fərhənqi idarə rəis ın nımoyişqo bərpo karde mərosimədə votışe:
In nımoyişqohədə xoşnıvıştey hınəsohib Doktor Əli Əbdullhuseynzadəh və Seyede Təyyibe Movlayi tabə xordadə manqi 18 minə ruj bə nımoiş noə bəbe və Ğıroni naxş jıey və xoşnıvıştey har vində kəsi cism və rufi cəzb kardə.
Bəhrame Xoşhal əlovəş ka Doktor Əli Əbdullhuseynzadəh ki 1342 minə sori bə dınyo oməy və Hərbiyə ğıvvon bə pensiyə beşə Duktore və xoşnıvıştey bəpeə sənədış heste.
Əv əlovəş ka bə sols və nəsx Kərimə Ğıroni çap və kitabət və Səhifəye Səcadiyə çap və 22 qılə səve kişvəri daxil və xaricdə nımoyişqo bərpo karde ın hınə sohibi fəaliyətonkuy.
Əv votışe: Movlayi həm 1370 minə sori bə dınyo oməy və inqilisiyə zıvoni tərcomə əkəy və mıxtəlif nımoyişqohonış bərpo kardə.
Tolış şəhristani fərmondor Seyed İsa Məhdəvi de ın nımoyişqoko vindemon kardey hınə sohibonışon ın şəhristani fərhənqi və əsilə sərmayəonku zınişone və bə çəvon istehsolon və əsəron ehtırom noe təkidışon ka.
