Qilon ostaniku dəvə kijə ixracat

Qilon ostani ditəsərrufat təşkilati rəis 1250 qılə dəvə kijə bə Ermənestan, İrağ, Tacikestan, A.R kişvəron ixracat kardeku xəbəş do.

Əli Dərcani de İrna mısohibədə votışe: Ostanədə 9 qılə dəvə kijə perosniye idariyə mərkəz fəaliyət kardən.

Əv əlovəş ka ın mərkəzon i baxşədə sori mıddətdə 2000 kijə istehsol bedə və, Rizvanşəhr şəhristanədə 1 qılə kijə pevate mərkəz İroni təğvimi əsos 76 minə soriku 1 qılə dəvə kijə pevate fabrikə ko kardeş bino kardə.

Qiloni ditəsərrufati təşkilati rəis dəvardə soronədə bə dəvə kijə yod bıə ədədi ixracat işarəş ka və votışe: çimi sə əlovə kişvəri daxilədə ın pərəndə pər, roən, pust və qojdiku istifadə bedə.

Bə Dərcani vote əsos dəvardə sorədə təğribən 50 ton istehsol bıə qujd bə ostaniku xaric ixracat bıə.

Qilon ostanədə dəvə kijə perosniye sənayeədə tabə ısət 150 nəfər mıstəğim və 600 nəfəriyo ğeyre mıstəğim ə sorətədə koş icod kardə.

Dəvə kijə erj fəğət bə çəy qojd və moğonədə istifadə karde xulasə bedə ni bəlkəm ın yolə pərəndə həmə çiku yəni pər, moğonə, pust, roəniku, tiib, məşu, sumkə və çəmədan və dasti sənayeədə həm istifadə bedə.