Qiloni Tolışə şəhron kali məntəğəonədə bırzi deve.

Qiloni co qılə şəhron bə nav Masal və Fumən Tolışə şəhronədə bırzi deve bino bıə.

Qiloniku bə Tele rədiyo xəbəriyə mərkəzi raporti əsos Masal Tolışə şəhristani qıləy divojon İ minə bicor əkaşte ki, bırzi deve binoş karde.

In bicor sohib bə İroni təğvimi əsos ordibeheştə manqi 13 minə ruj 2 hektar ıştə bicoriku Ğərib və Haşemi bıə nomo bırzış kaşte.

Masal Tolışə şəhr 7 həzo hektar şalizarış heste.

3 həzo 500 Masalıjə bicor əkaşt ha sor 28 həzo ton bırz istehsol kardən.

Həmzəman de masalıjə bırz əkaşt İ nəfər həm Fumən Tolışə şəhri diədə bırzi deveş bino karde.

Əv fərvərdinə manqi 25 minə ruj ıştə bıcorış kaştəş be.

Fumən 13 həzo 870 hektar bicorış heste.

19 həzo Fumənıjə bicor sohib ha sor 47 ton bırz istehsol kardən.