Qilonədə Bəsic haftə bərnoməon
Qilon ostani şəhristanonədə de Bəsic haftə mınosibəti fərhənqi mıxtəlif bərnoməon icra be və çandə qılə obod kardə plan bə istesmor rəse
Qiloniku bə Tele Rədiyo xəbəriyə mərkəzi raporti əsos Soməsəra Sepah fərmondə votışe:
de Bəsic haftə mınosibəti 5 qılə kə de imdodiyə komitə və Seph əsoxtə Bəsic iştiraki soxtə be və bə etiyocinə kəson doə be.
Cənab Seyd Həsən Huseyni əlovəş ka:
Bo ın kəon soxteyo 3 milyard riyal xarc bəy.
Soməsəra şəhristani və ostani cəmi məsul şəxson de Bəsic haftə mınosibəti de Həzrəte Zeynəb (s) hərəmiku mıdofiyə əkə şəhid Muhəmməd Ətabe xeyzoni vindemonışon ka.
Qıləy mərosimədə Fuməni nımunə Bəsicion ya səfərbəronku ğədrdanətişon ka.
De həminə mınosibəti 15 nəfər Soməsəra nımonə bəsiconku ki, Kərimə Qıroni mısobiğədə vıjniyə bəbin ğədrdanəti be.
