Vəhıştə şəhrədə pozi festival
Qiloni vişon dılədə de pozi rol ifo karde 2020 minı Beynəl-Xəlğ hadisə turistik mərkəz Pərəsər Tolışə şəhrədə vəhıştə şəhrədə pozi festivalış bərpo ka
Pərəsər məntəğədə Doktor Dorostkar vişə buston In məntəğə milləti hınə nımoiş doə vırə və Tolışi fərhənq və təbiyyəti aşığon vindemoni vırə be.
hınə iyən təbiyyət de iyandı omojən qıniyə bin ta pozi fəsli ğəşənqətion dıbərobər bıkən.
Doktor Həsən Dorostkari fərzəndiku ğədrdanəti karde ki, vişə zıniyə kəson bıno əkan və İroni vişon dıləsutə kəsonkuy bo ın sərzəmini millətiyo qıləy vişə bustanış bə yadiğar haştəşe və ın festivali muhimmə baxşonku be.
In festivalədə Tolışə jenon və merdon bumiyə olətışon kardə bı və ıştə dasti hınəonışon bə nımoyiş noəşon be.
Bumiyə musiği bə ın mərosim məxsusə cılvəş doə be.
Tolışə hırdanon de İroni boydəğiyo ıştə coni bədomon , omə rujon az bəsoxtem şeri handeədə İroni boydəğışon de ıştə qədə daston təkon dodə bin.
In festivali mudir Roya Babayi bə İrna jurnalist votışe:
In festival de Rizvanşəhri 2020 Beynəl-Xəlğ hadisəon mərkəzi təloş de ın məntəğə qıləy təbiyyə məntəğonku oşno karde hədəfi bərpo be və çəmə əsliyə hədəf insonon jimonədə vişə əhəmiyyəti bə yod varde iyən de mıxtəlif roon vişə pozi ğəşənqətion ğeyd kardey be.
