İspiyə məzqət Rizvanşəhrədə qıləy ğoymə simvol

İspiyə məzqət torixiyə bina ki, Rizvanşəhr Pərəsər baxşədəy İroni torixi mədəniyəti rişə İbaxş iyə torixiyə əsəronkuy ki, de ıştə cazibədorəti turiston dığğətış bə ıştə cəzbış kardə

Məçiti ki, 1 həzo sorisəve torixış heste və Pərəsər şəhrədə de Sıpiyə məçit nomi məşhure, Qilon ostani qıləy torixiyə binaonkuy.

In məçiti əsliyə nom İspiyə məzqəte ki, pəhləvi zıvonədə həmon Sıpiyə məçite iyə tırki zıvonədə de Ağ məçit nomi məşhure.

In torixiyə bina Dinaçal diədə və Rizvanşəhri 20 kilometriədə ğərolış qətə və hasor Nəvuzə idi ainon çəy ətrofdə bıə fəzodə bərpo bedə.

Mevcud bıə şohidə çion nışon dodə ki, məçiti bina de Səlcuğion dıvrə rabitəş heste.

Məntəğə ğədimiyə odəmon və sıpiyə rişon bə ın boəsosin ki, ın bina Qiloni torixi ğəşənqə binaonkuy və ehtimol şedə ın bina qıləy şəhr ya məhlə kənoədə soxtə bəbo ki, ımruj çəyku heç əsəri ni və mumkine ın şəhr de Taton və Tolışon nomo bıə kitob ki, Əli Əbduli əvış nıvştə bə ın kitobi nəğli istnad həmonə qin bə ya xışmi nomo bıə şəhre ki, İroni torixiyə mənbəonədə de Qilon ostani Bamənbər şəhr nomi yod bəy.

In ğədimiyə məçiti dıvon piyo əsəroni de kufi xət vində bedə ki, Tobə mıborəkə sorə 17 minə şərifə ayə və kərimə Ğıroni ayəonikuy.

Doktor Mənoçehr Sutudə Astara ta Əstər Abad nomo kitobədə ın bina Qiloni haft curə heyrətonku nom noə bəy.

Əv bə ın bovə əsose ki, de Arxeloqon vositə veyə pəydo bıə soğalon de İlxaniyon dıvrə rabitəş heste və ın bina memarəti bumi ni, əmo xəyli ğəşənq de Qiloni bumiyə memari umujən qıniyə bəy.