Ayətullah Haşımi Rəfsəncani yod karde mərasim Tolış şəhrədə bərpo be.
Ayətullah Haşımi Rəfsəncani bə rəhmət şe mınosibəti Tolış(Həşpər) şəhri came məçitdə şəhrvandon iyən rəsmi şəxson huzurədə mərasim dəvarde.
Bə Məriyan xəbər sayti elanon əsosi Ayətullah Haşımi Rəfsəncani bə rəhmət şe mərasimədə Sumesəra nomo bıə şəhri cumə imom huccətul islam vəlmuslimin Sıddiği zinə sıb tolış şəhri came məçitdə ki tolış şəhri şiə və sınniyə şəhrvandon huzurədə bərpo be Ayətullah Haşımi Rəfsəncani məğamiku tərifış karde və votışe:əv inğilab imom və rəhbəri ğədimiyə dust be və nizom iyən hukumətiyu həğiğiyə dıləsut be .
əv bə Ayətullah Haşımi Rəfsəncani mubarizə tarix işarəş karde və votışe: 60 sorisə ve çəy mubarizəon və mucahidəton islamiyə nizom və məmləkəti roədə həmmə kəsiyu oşko qıləy məsələy.
Sıddiği ıştə sıxanon dəvomədə əlavəş karde Ayətullah Haşımi qıləy şəxsiyyət be ki həmmişə rəhbəri kənoədə be və çəy irodət və eşğ bə rəhbəri heç vaxti kam nıbı.