Şandermənı Dilik nomo bıə asb tojne meydonədə asb tojne musabığə bərpo be.

Zinə(yanvari 13) həmzəman Şandermən şəhri Dilik nomo bıə asb tojne meydoni okardeədə 25 qılə asb tojniyə kəsi iştirak kardeədə musabığə bərpo be.

Bə Masal xəbəri təhliliyə sayti elanon əsosi zinə həmzəman Şandermən nomo bə tolışə şəhri Dilik nomo asb tojne meydoni okarde xoto həminə meydonədə asb tojne musabığə bərpo be.

ım musabığə 3 qılə səth yəni 3-4  və 4-5 sor iyən yolon asbon miyonədə 25 qılə  asb tojniyə kəsi huzurədə bərpo be.ım musabığə oxoydə 3-4 sorə asbon miyonədə Nəcib nomo bıə asb ki Əli Əbdullahi çəy xande və Daryuş Şadbəhr əvış tojniyə 1 minnə vırə bə dast vardə və  həmçinin Sumar nomo bıə asb ki Sina Ğəvidel çəy xande və Parsa Cəbbari əvış tojniyə 2 minnə vırə qətedə və Tondər nomo bıə asb həm ki Əlirıza Rəofi çəy xande və Puya Xanəlizadə əvış tojniyə 3 minnə vırə qətedə.

4-5 sorə asbon miyonədə İrna nomo bə asb ki Murtəza Rızayi çəy xande və İbrahim Əzizi əvış tojniyə 1 minnə vırə qətedə həmçinin Vəntura nomo bıə asb iyən Ğirat nomo bıə asb  ki çəvon xand həm Bərdiya Kəmali və Şəhriyar Kərimi əvış tojniyə be 3 minnə vırə qətedə.

yolə asbon miyonədə həm Sərdar nomo bıə Seyd Nazim Fatimi asb ki Armin Əhmədi əy tojnedə 1 minnə vırəş qətə və Seltik nomo bıə asb ki Hamon dusti çəy xande və Parsa Pakpur əvış tojniyə 2 minnə vırə qətedə və Bəbri nomo bıə asb ki çəy xand həm Fərşid Əbdullahi heste və Daryuş Şadbəhr əvış tojniyə 3 minnə vırə qətedə.