Qilan ostani ostandar bə Tolış(Həşpər) şəhri ikrə moy istihsal mərkəz şe.
Jan 15, 2017 10:01 Asia/Tehran
Qilan ostani ostandar zinə zuhrə vaxti nezico tolış şəhrədə ikrə istihsal mərkəzış osə ğande.
Bə Məriyan Xəbər sayti elanon əsosi Qilan ostani ostandar zinə zuhrə vaxti Tolış şəhri fərmondori əvəz karde mərasimiku bə nav Tolış şəhrədə nezico ikrə moy istihsal mərkəzış vinde və çı mərkəzi mudiri sıxanon iyən tələbon məse bəpeştə problimon həl kardeyo əmrış do.
vote lozime ki ısət 11 həzo ikrə moy de 135 ton qonəti həminə mərkəzədə heste.
Qilan ostanədə 31 ikrə moy istihsal mərkəz heste ki 800 ton quşt və 11 ton ikrə istihsal bedə çı mərkəzonku 9 qılə sahiliyə xətti neziədən ki 230 ton quşt və 5 ton ikrə istihsal kardeyu bə fəaliyyətin.