Dıvlət haftə 6 minnə ruj iyən Masal Tolışə şəhrədə bıə ovdonəkə proyekton.

Dıvlət haftə 6 minnə rujədə 3 qılə ovdonəkə proyek Masalədə bə istismor rəsə iyən 5 qılə kə bə İmdod Komitə uzvon təğdim bıə.

Bə İrib raporti əsos, həminə proyektonku bə Vuşməseroədə islami inğilob məskən idarəku de 750 milyon tımən budcə 3 həzo 100 metr roy asfalt karde, de 200 milyon tımən budcə elekterik idarə bina soxte iyən de 1 milyardo 748 milyon tımən budcə 10 qılə diədə ruşnə təchizoton tojə karde işarə bəbe.

İjən xəbə omə ki bə dıvlət haftə 6 minnə ruji xoto 5 qılə kə bə İmdod Komitə ehtiyocinə şəxson təğdim bıə.

In kəon duteyro həm 680 milyon tımən budcə co kardə bıə.