Qilonədə Kilkə moy qəte 73 faiz ziyod bıə.

Dəvardə 3 manqi mıddətədə Qilonıjə moyəvonon de kilkə moy qəte 17 milyard tımən bəromə kəsb kardəşone.

Bə İrib raporti əsos, Qiloni moyəvonon idarə yol votışe: Dəvardə 3 manqi mıddətədə Qilonıjə moyəvonon 3 həzo ton kilkə moy de 17 milyard tımən erji qətəşone.

Əzim Modəbberi bə ın noktə işarəş karde ki həmonə qətə kilkə moyonku 2 həzo ton bo çolenqon xorəkiro bə ordə əvəz bıə iyən əlovəş karde: 214 nəfər Qilonıjə moyəvonon de 30 qılə moy əqətə kəştion kilkə qətedən.

Əv votışe: proqonoz bıdə ki əqə həvosət çok bıbu kilkə moy qəte tosə sori oxo bə 6 həzo ton bərəse.

Qılonədə 3 cur kilkə moy çı Kaspi dıyoədə jidən ki bə kırı ekarde iyən həvosəti xoto Fərvərdin və Ordibeheşt manqonədə əvoni qəte ğədəğəne.