Qilonədə 8 həzo tojəzandə əğıl bə dınyo omin.

Qiloni şahrvandon cəmiyət idorə yol votışe: ımsornə sori əvvəliku tosə bə ısət ostanədə 8 həzo 515 qılə tojəzandə əğıl bə dınyo omən.

Bə İRİB raporti əsos, Qiloni şahrvandon cəmiyət idorə yol ın xəbə bəyon və elanış karde: şəmsi 1400 minnə sori əvvəliku tosə bə ısət 8 həzo 515 qılə tojəzandə əğıl Qilonədə bə dınyo omən ki çəvonku 4 həzo 365 qıə zoə iyən 4 həzo 150 nəfər kinə hırdənin.

Həsən vəfoii votışe: Qilonədə kinə tojəzandə əğılon nomonku veyni Fatimə, Nila iyən Ava və zoə tojəzandə əğılon nomonku veyni Ayhan, Arad iyən Əbulfəzl hestin.

Qiloni şahrvandon cəmiyət idorə yol həmçenin izofəş karde ki həminə mıddətədə 9 həzo 10 nəfər Qilonədə mardən ki çəvonku 4 həzo 900 nəfər merd iyən 4 həzo 102 nəfər jen bin.

Həsən vəfoii votışe: 8 həzo 828 qılə vəyə iyən 2 həzo 767 qılə təloğ dəvardə 6 manqi mıddətədə Qilonədə ğeyd bıə.