805 nəfəriku vey qilonıj vaksinasiya bıən.
Tosə bə ısət 39 faiz çı Qiloni 18 soriku vey sinnışon bıə şahrvandon Koronavirusi vədə vaksinasiya bıən.
Bə İrib raporti əsos, Qiloni səhiyyə idorə muavin votışe: 805 həzo 676 nəfər təin bıə qurupon əcumlə səhiyyə kadron, veteranon, piyə odəmon, xususi noxəşon və təşkilatonədə ko kardə kəson çı Qilonıjonku Korona peyvəndi jəşone.
Doktor Abtin Heydərzodə, ın miğdori çı Qiloni 39 faiziku vey cəmiyəti şomil bə hisobış varde və əlovəş karde: vaksinasia ijən dəvom kardeydə və tosə bə ısət 487 həzo nəfər həm Qilonədə Korona peyvəndi 2 minnə doza jəşone.
Əv bə vaksini jey tərtibi əsos co omə quruponış əskəron elan karde və votışe: ın qurupi vaksin de diğğət bə elan bıə siyasəton omə haftəku bino bəbe.
Qilonədə 296 qılə vırə və mərkəzədə Korona peyvəndi jeydən.
Anti Korona vaksinasiya dəvardə sori oxonə manqonku Qilonədə bino bıə iyən daim sorəti həmçenan dəvom kardeydə.