Qilonədə koronavirusi noxəşon oloxtoniye kam bey idomə.
Holihazirədə Qiloni noxəşxonəonədə 720 nəfər korona noxəşi oloxtoniyəşone.
Bə İRİB raporti əsos, Qiloni tib elmon universiti sıxənəvot votışe: dəvardə 24 saəti mıddətədə de 138 nafar tojə noxəşi oloxtoniye ısət Qiloni noxəşxonəonədə 720 nəfəri oloxtoniyəşone, ım miğdor zinə ruji mığoisədə 47 nəfər kam be.
Doktor Fərdin Mehrabiyan de işorə bə ım ki dəvardə 24 saəti mıddətədə 14 nafar bədholə noxəşi oloxtoniyəşone, əlovəş karde: holihazirədə 129 nafar bədholə noxəş Qiloni noxəşxonəon reanimasiya baxşədə oloxtoniyəşone.
Əv votışe: bo korona noxəşon oloxtoniye miğdori həmçınan kam bey idomə, səhiyəvvi protokolon ciddi riayət kardey əcumlə maskiku idtifodə kardey, şəhr və umumiyə vırəonədə milləti miyono fosiləon rioyət kardey iyən cəm bıə vırəonku dıyəro mandey vey əhəmiyətışe.