714 nəfər Qilonıj bə Kərbəlo vığande bəben.

Qiloni Ərbəin ğərorqo sərkatib votışe: səy iyən cəhd bıə ki Rəştiku bə Nəcəf Əşrəfi tərəf təyyarəon sərostə pəre xəti icod kəmon ki zairon ovoştoniye rohət bıbu.

Nader Əbdullahpur de Mehr jurnalisti mısohibədə votışe: İraği tərəfiku İroni səhmiyə bo Ərbəini ımsornə şemon 60 həzo nəfər təyin bıə.

Əv de ım məsələ onvan karde ki Qilon ostani səhmiyə ım miğdoriku 714 nəfəre votışe: ım miğdoriku 210 nəfər xidmət xeyməon mudiron iyən 504 nəfər həm adi Qilonıjə şahrvandonin ki bə ım mənəviyə şemoni vığande bəben.

Əbdullahpur idomədə bə ım məsələ işorəş karde ki ımsor şemonon həmmə de təyyorə əncom bəbe və bə İrağ hiç qılə zəminiyə səfər əncom nibəbe.

Əv idoməş do: səy iyən cəhd bıə ki Rəştiku bə Nəcəf Əşrəfi tərəf təyyarəon sərostə pəre xəti icod kəmon ki zairon ovoştoniye rohət bıbu.

Qiloni Ərbəin ğərorqo sərkatib onvanış kardə ki bo ımsornə Ərbəin şemonədə huzur peydo kardeyro İraği kişvər ım şərti təyinış kardə ki har şəxs bəbe Korona peyvəndi har 2 mərhələ doza bıjəno, iyən 72 saət təyarəon pəre bənav çəy korona test mənfi bıbu.