Bə muğəddəsə mudafiyə haftə xoto Rizvonşəhrədə 200 qılə məxsus bərnamon.

Rizvonşəhri Sepah fərmondə ın şəhrədə bə muğəddəsə mudafiyə haftə dəme xoto 200 qılə muxtəlif mədəni, elmi, iştimaii və varzış məxsus bərnaməon bərpo beyku xəbəş do.

Bə Tolışi Rədio raporti əsos, palkuvnik Muhəmməd Purismaili votışe: ımsornə sori muğəddəsə mudafiyə haftə şuar "əmə zumandimon" ğeyd bıə iyən həminə bərnamon de səhiyyəvi protokolon rioyəti Rizvonşəhri muxtəlif məntəğonədə bərpo bəbe.

Əv əlovəş karde: 8 sor muğaddəsə mudafiyə bəmə yodış do ki sultə iyən beynəlxalğ istikbori vədə bə səbarzəti rəseyro yeqanə roy fəğət muğavimət kardeye.

Rizvonşəhri Sepah təşkilati fərmondə bə Rizvonşər iyən Pərəsərədə bıə muğəddəsə mudafiyə haftə bərnamon işorə karde dəvomədə votışe: 8 sornə muğaddəsə mudafiyə veteranon iyən canq əkəyon yolə qırdemon və çəvonku ğədrdonəti karde, de şəhidon ailəon vindemon karde, bə diədə jimon kardə cəmaəti osə ğande və çəvon muşkilaton təğib karde həmçenin de təbibon bəsic təşkilati həmkari bepul noxəşon mualicə karde həminə əyyami co nəzər dəqətə bıə bərnamonin.

Rizvonşər de 80 həzo nəfər cəmiyət iyən 120 qılə di, Qiloni ğərbədəy.