Ərbəine Huseyni astanədə 120 qılə məişət pəketon Ostoroədə baxş bıə.

Ərbəine Huseyni matəmə əyyomi dəme həmzəman 120 qılə məişət pəketon çı Ostoro ehtiyocinə şəxson miyonədə baxş bıə.

Bə İrib raporti əsos, çı Ostoro vəğf iyən xəyrə koon idorə rəis votışe: ın plani icra kardeyku əsli hədəf bə həğiği ehtiyoc bıə kəson və çəvon ailəon komək karde be ki xususi Korona pandemik şərayetiku ıştə məişət və jimoni quzəranədə de ciddi problemon dim bə dimin.

Cəmşid Məhdəvi bə həminə humanitarə planədə Ostoro xəyyeron iştiroki işarəş və əlovəş karde: bə Ərbəine Huseyni matəmə əyyami nez bey xoto iyən de ın plani vositə 120 qılə xorək pəketon çı Ostoro ehtiyocışon bıə ailəon miyono baxş bıə.

Əv har pəketi erji 400 həzo tımən elanış karde və votışe ki cəmədə pəketon ğəymət 48 milyon tımən be.

Məhdəvi təsdiğış karde: bırz, kijə, ğənd, ruyən, kərtof, vərməşel iyən muxtəlif donə və taxılon əcumlə xorək məhsulon be ki de həminə məişət pəketon vositə çı Ostoro ehtiyocinə qurupon miyono baxş bıə.

Omə haftə Semtiyabri 27, bərobər de Səfə manqi 20, İmom Huseyn(ə) və çəy bəfodorə əshobi şəhodəti çılm və Ərbəinə ruj ğeyd bıə.