Kərbəlo royədə Ərbəini hol-həvo.

Ərbəine Huseyni mərosimi çok dəvoniyeyro muğəddəmə koon komil bey holədəy.

Ərbəini səhiyyəvi koon kamissiya rəis votışe: 50 qılə tib təcili xidmət ərosnə ğərorqo, 10 qılə klinik iyən səhro noxəşxonəon bə Ərbəini zairon xidmət kardeyro sərhəd məntəğonədə bərpo bıə.

Bə İrib raporti əsos, Peyman Saberiyan votışe: dəvardə 24 saəti mıddətədə həm sərhədədə 1227 nəfəriku Korona test qətə bəy ki 489 nəfər ğəyre İronıj bin.

Əv votışe: airportonədə xidmət əkəyon miğdori ziyod karde, təcili maşinon əlovə karde, Korona testi dəğiğ əncom doe, iyən xun banki icod karde əcumlə co nəzə dəqətə bıə təbironin.

İroni miqranton və pasport idorə yol həm ijən təkidış kardə ki zəmini sərhəddiku bə İrağ səfər karde imkon ni.

Qeneral Zulfəğori de ın xəbə elani əlovəş karde: tosə bə ısət bə 25 həzo nəfər nezi həvoku de təyyorə vositə bə İrağ varid bıən.

Kərbəkoku həm xəbə omə ki Ərbəin əyyamədə bə zairon çok xidmət kardeyro zinə rujiku ın ostani həmməy idorəon tətil be.

Səfə manqi 20, Sentiyabri 27, Kərbəloədə İmom Huseyn(ə) və çəy bəfodorə əshobi şəhodəti çılım ya xod Ərbəinə ruje.

De həminə mınosibəti hasor çand milyon zair bə Kərbəlo şedə bin ki bə Korona pandemik şərayeti xoto İrağ ımsornə zairon səhmiyə miğdori vey kamış kardə.