Qilonədə voş voye miğdor bə 77 mili metr rəsə.

Qiloni meteoroloqiya idorə sərpərəst bə ım məsələ işorəş karde ki ostanədə 2şənbə rujiku voş voye bino bıə, iyən votışe: Qiloni bəzi məntəğəonədə voş voye miğdor təğribən bə 77 mili metr rəsə ki Ostoro şəhr de 77 mili metr miğdori rekordış jə.

Şəbnəm Hadinejad zinə de İrna jurnalisti votemonədə əlovəş karde: Qilon Ostanədə dəvardə 24 saəti mıddətədə Ostoro şəhri bəpeşt, Lənqrud de 76 mili metr, Lahican de 67 mili metr vey voş voye miğdori bəştə ixtisos dodən.

Əv idoməş do: Qilon Ostani mərkəz yəni Rəştədə həm həmonə mıddətədə voş voye miğdor 38 mili metr be.

Qiloni meteoroloqiya idorə sərpərəst ijən votışe: Ostanədə voş voye desbə zinə şəvi dəvomış be, əmmo qədə qədə ğərb səmtiku həvosətədə bestabileti kəm bəbe.

Hadinejad votışe: dəvardə 24 saəti mıddətədə Tolış vey sard be ki təğribən 1 dərəcə santiqradi təcrubəş karde.

Əv izhorış karde: tosə bə ısət bə Ostani meteoroloqiya mərkəzonədə bıə məlumati əsos, miyonədə 6 ta 15 dərəcə santiqrad həvosət kam bıə ki Ənzəli vey kamə dərəcə iyən Deyləman və Cirəndə vey ziyodə dərəcə əvəzişon be.

Bə Hadinejad votəyon əsos Rəşt zinəku desbə ımruj təğribən 11 dərəcə çəy həvosət sard bıə.