Anti Korona vaksinasiyaədə Qilon vey çokə ostane.
Tosə bə ısət bə 2 milyon nəfər nezi çı Qiloni 12 soriku vey sinnışon bıə şahrvandon Koronavirusi vədə vaksinasiya bıən.
Bə İrib raporti əsos, Qiloni səhiyyə idorə sıxanəvot votışe: tosə bə ısət 87 faiz çı təin bıə qurupon əcumlə səhiyyə kadron, veteranon, piyə odəmon, xususi noxəşon, təşkilatonədə ko kardə kəson iyən 12 soriku bəpe bıə şoqirdon Korona peyvəndi jəşone.
Doktor Fərdin Mehrobiyan, əlovəş karde: vaksinasia ijən dəvom kardeydə və tosə bə ısət təğribən 1 milyono 320 həzo nəfər həm qilonədə Korona peyvəndi 2 minnə doza jəşone.
Əv bə vaksini jəe tərtibi əsos ısətnə muhimmə qurupış şoqirdon elan karde və votışe: Qilonıjə şoqirdonku 96 faiz yəni bə 175 həzo nəfər nezi tosə bə ısət Koronavirusi vədə vaksinasiya bıən.
Qilonədə 315 qılə vırə və mərkəzədə Korona peyvəndi jeydən.
Qilonədə anti Korona vaksinasiya dəvardə sori oxonə manqonku bino bıə ijən dəvom kardeydə.