kuçəkə ğəbiləon turizm baxşədə rovnəğ.

Qiloni ditəsərrufat idorə kuçəkə ğəbiləon muavin votışe: de qıyəonədə qədə vujuron vositə ostanədə kuçəkə ğəbiləon iğtisod iyən turizm baxşədə rovnəğ icud bəbe.

Bə İsna aqentiyəti rapoerti əsos, Həsən Hemməti kuçəkə ğəbiləonış çı Qiloni cuğrafiya və tarixi muhimmə baxşonku bə hisob varde iyən votışe: ısət har Qilonıjə kuçəkə ğəbilə 16 nəfəri qujdi təmin kardeydə.

Əv əlovəş karde: de qıyəonədə qədə vujuron bərpo karde çı ostani kuçəkə ğəbiləon məhsulon həvate iyən nəcimə sənaye xususi ko kardə jenon fəaliyətonədə rovnəğ icod bəbe.

Hemməti çı kuçəkə ğəbiləon məhsulon vey keyfiyətin bə hisobış varde iyən bə Qiloni qıyəonədə bıə ğəşənqə jimoni işorə karde holədə votışe: kuçəkə ğəbiləonədə məhsulonku veyni de jenon zəhməti vositə istehsol bıdə.

Qiloni ditəsərrufat idorə kuçəkə ğəbiləon muavin izofəş karde: ısət kuçəkə ğəbiləon ıştə məhsulon həvoteyro bə şəhron omeydən ki de qıyəonədə qədə vujuron icod bey vositə çəvon koonədə hostonəti iyən rovnəği şoyd bəbemon əmmo de şərti ki mınosibə roon həm bo turiston şe-ome icod bıbu.

Qilonədə 1600 kuçəkə ğəbilə ailə heste ki de tərtibi veyni Tolış, Rudbar, Rizvonşəhr, şəft, Əmləş, Masal, Lənqerud iyən Rudsərədə jidən.