Çı İroni şimol mantəğə çayəvonon tələbiku ijən 8 milyard tıməni doəşone.

İroni çay idarə yol votışe: tosə bə ısət çı İroni şimol mantəğə çayəvonon tələbiku 95 faizi bə çəvon hisobi ekardəmone.

Bə İroni Telerədio aqentiyəti raporti əsos, İroni çay idarə yol əlovəş karde: de ın puli ekarde vositə, 723 milyard tımən yani 95 faiz şimol çayəvonon tələb tosə Azər manqi 10 doə bəy.

Həbib Cəhansaz votışe: məhsuli qırdə kardey fəsli əvvəliku tosə bə ısət, 135 həzo 429 ton havzə çay livə de 760 milyard tımən erji çayəvononku hıryə bəy ki dəvardə sori muğaysədə 20 faziz vey be.

Əv əlovəş karde: həminə hıryə bıə çayku, 58 həzo 972 ton yəni 42 faiz vey keyfiyətine iyən 76 həzo 457 ton yəni 58 faiz 2 minnə dərəcə keyfiyətış bəbe.

İroni çay idarə yol ijən votışe: çayəvonon co tələbonku fabrikaon səhme ki çəvonku 118 qılə fabrikaon tələb sə kardə bəy iyən co fabrikaon puli tələbi omə rujonədə qədə qədə bə çəvon hisobi ebəkamon.