Qiloni qomruki 24 saətiyə fəaliyət.

Koronavirusi şərayetədə Qiloni qumrok tətil bə ni iyən 24 saəti mıddətədə ko kardedə iyən sori əvvəliku tosə bə ısət 763 milyon dollar əmtəə Qiloni qumrokonku bə İron varid bıə.

Bə tojə raporti əsos, çı Qiloni qumrokiku rəsə xəbəron jığo hikoyət kardeydə ki sori əvvəliku tosə bə ısət təğribən 53 həzo 459 ton əsosi muxtəlif əmtəə və məhsul ın ostani qumrokonku bə İron varid bıə ki çəy erj 985 həzo 263 dollar bəbe.

Raport və statestikaon nışo doydə ki həminə zəmonədə muxtəlif məhsulon əcumlə taxıl, çu, mol-mələ xorəkon, qujd, koğəz iyən ruyən çi Qilon ostani muxtəlif marzon və portonku bə İron varid bıə.

Ğeyd kardənine ki çı Qiloni qumrokiku bə İron varid bıə əmtəə veyni Rusiyə, Ğəzaxiston, Çin, Azərbaycan Respublika, İ bıə Ərəbə Əmirətion, Ukrayna, Tırkiyə və Ekvadoriku omeydən.

Erji cəhəto de Qilon ostani sərhəddon vositə bə İron idxal bıə məhsul-əmtəə dəvardə sori muğaisədə 32 faiz inkişof peydoş kardə.